Outros recursos

Nesta unidade falamos do «Alalá das Mariñas» e escoitamos varias versións. Nunha delas, o grupo Milladoiro inclúe a gravación que deste canto fixo Faustino Santalices en 1949. A letra que recolleu Santalices di:

Teño unha casiña branca
na Mariña entre loureiros
teño paz e teño amor
i estou vivindo no ceo.
Ai la la...

I adiós á miña casiña,
portelo do meu quinteiro,
auga da miña fontiña,
sombra do meu laranxeiro.
Ai la la...

Ese retrouso proporciónalle o nome de «Alalá», se ben outros prefiren chamarlle «Cantar de camiño»¹. Durante unha época, Santalices pertenceu á Coral De Ruada de Ourense, da que falaremos noutra UDI como exemplo de Coro Gallego. De feito, a formación actual de dito coro ten recuperado a zanfona nas súas actuacións. En De Ruada, Santalices figurou como tenor, gaiteiro e cantando romances coa súa zanfona nos intermedios das actuacións.

Aínda que habería moito que falar da zanfona que Santalices atopou e reconstruíu, podemos dar por boa a información sobre o instrumento que atopamos aquí. Porén, é probable que estivera máis preto de tratarse dunha lyra organizzata² e non dunha auténtica zanfona³.

En calquera caso, o labor de Santalices é innegable.

___________________________________

^{1 https://gl.wikipedia.org/wiki/Alal%C3%A1}

^{2 https://fr.wikipedia.org/wiki/Vielle_organis%C3%A9e}

^{3 http://ret007ei.eresmas.net/reolid/a-santalices.html}

Outras versións deste Alalá:

^{(NOTA: Embébese aquí contido directo dende Spotify. Ás veces pode producir un erro 404 que se soluciona recargando a páxina no navegador)}