Boa tarde a todos/as!
Cun pé xa nas vacacións queriamos comunicarvos que vimos de facer pública na aula virtual a listaxe de persoas seleccionadas na segunda mobilidade.
Será, de novo, de carácter virtual, e desenvolverase do 5 ao 9 de abril. Trátase do curso de iniciación titulado "Dixitalizando a nosa aula de segundas linguas" e será impartido por Carolina Castro, da Europass Teacher Academy. Achegamos o programa para que botedes un ollo (está tamén na aula virtual).
Neste curso participarán docentes da EOI de Monforte, EOI da Coruña, EOI de Santiago, EOI de Ourense e EOI de Pontevedra, é dicir, de todas as EOI que enviaron candidaturas. Será moi interesante vivir esta experiencia de aprendizaxe conxunta con compañeiras da EOI de Pamplona, Alcalá e Murcia. Poderedes seguir o que imos facendo nas redes sociais, co cancelo #CAFI_SBLENDID, e tamén compartiremos convosco o aprendido tanto a través dos nosos portafolios de aprendizaxe como das sesións de difusión.
Entretanto, desexámosvos un bo descanso do voso propio traballo tamén.
Un cálido saúdo,
Alicia Eizaguirre e Diana Pastoriza