O mantemento do proxecto Webs Dinámicas baséase nun modelo de acompañamento continuo que recae, desde a súa orixe, nas asesorías Abalar de zona. De maneira sintetizada, este acompañamento materialízase nas seguintes tarefas:
- Apoio á implantación e configuración inicial das aplicacións web nos centros de cada zona, orientando o proceso de solicitude, a definición da estrutura do sitio e a organización dos contidos.
- Personalización de configuracións non accesibles directamente para os centros.
- Atención continua e resolución de dúbidas, proporcionando soporte funcional, asesoramento no uso das ferramentas e xestión de incidencias que afectan ao funcionamento diario das aplicacións do proxecto.
- Acompañamento no proceso de migración entre versións.
- Intermediación co equipo técnico do proxecto e coa rede de formación.