Informática 1

2.5. Inserir imaxes no documento

Inserir unha imaxe no noso documento é bastante sinxelo. O que tenemos que garantir, antes de comezar é:

• que temos a imaxe no noso PC (algo bastante obvio!).
• que a imaxe ten un formato e tamaño adecuado para poñer no noso documento.

No referente ó formato das imaxes que queremos incorporar ó noso documento, Writer admite moitísimos formatos de gráficos. Desde os máis comúns, como jpg, gif, bmp, etc. a formatos de gráficos vectoriais como dxf, ras, etc. Sen embargo, se empregamos algún programa que xera imaxes cun formato propio (por exemplo o Paint Shop Pro, ou outros), temos que garantir que a imaxe que queremos incluir teña un formato dos admitidos polo Writer. O máis frecuente é que non teñamos problemas, porque son, como decíamos, moitos tipos de imaxe os que admite o procesador. É importante que coñezamos as diferencias principais entre uns tipos de imaxes e outros, porque a mesma imaxe, por exemplo a desta "ovelliña clonada", pode ter grandes diferencias en canto a tamaño dependendo do formato no que estea:

formato BMP (168 k)

formato JPG (9 k)

O segundo aspecto a ter en conta é o tamaño da imaxe (as dimensións e o "peso" en kilobytes), por dúas cousas. Se queremos inserir unha imaxe moi grande (por exemplo o doble da páxina) no noso documento, despois temos que redimensionala a man, para colocala onde queiramos do documento, e o único problema que podemos ter é que o tamaño do documento unha vez que o gardemos sexa bastante grande. (Ainda máis se o formato da imaxe é por exemplo BMP). O caso contrario, no que a imaxe orixinal sexa moi pequeniña e queiramos que sexa o dobre de grande no documento, vainos dar problemas, porque quedará moi desdebuxada (pixelada), como no exemplo seguinte:

tamaño orixinal

dobre de tamaño

Por tanto é moi recomendable non "estirar as imaxes" no noso documento para facelas máis grandes, se non queremos perder calidade no resultado final. O que non ten moito problema é facelas máis pequenas, "encolléndoas", pero hai tamén que tratar de evitar empregar unha imaxe enorme (por exemplo, directamente da cámara de fotos dixital) para pegala nun documento, porque fará que o tamaño final do documento sexa moi grande.

Unha vez que temos a imaxe no documento, podemos axustar unha serie de parámetros, que veremos agora.