As portas de acceso ao centro pecharanse pasados dez minutos do comezo da actividade lectiva: ás 8:55 pola mañá e as 16:25 na tarde do luns. Permanecerán pechadas durante o transcurso da xornada escolar, agás no horario do réxime de persoas adultas e durante os períodos de lecer.

O alumnado de Ciclos dirixirase ás súas respectivas aulas as 8:45h (pola mañá) ou as 16:15h (pola tarde), mentres permanecerá na zona de marquesiñas ou na cafetaría. Non está permitida a entrada nos edificios antes das 8:40h (pola mañá) ou as 16:10h (pola tarde)

O alumnado de Ciclos sairá das aulas ás 14:15h e ás 19:40h. Dirixirase á saída sen demorarse, non podendo permanecer no centro.

O alumnado maior de idade poderá saír do Centro cando o estime oportuno, pero o profesorado poderá porlle unha falta de asistencia non xustificada a aqueles alumnos ou alumnas que abandonen unha clase antes de tempo, sen xustificalo convenientemente.

O alumnado maior de idade que o desexe poderá saír do centro nos recreos.

Solicitarase ao alumnado que acceda ao centro en coche ou moto, que rexistren os seus vehículos a través dun formulario online, e que estará dispoñible para o alumnado a través dun código QR exposto no centro.

Todos os docentes anotarán os retrasos e as faltas de asistencia do alumnado en Xade ao principio de cada clase.

O profesorado de Ciclos Formativos poderá non autorizar a entrada na aula do alumnado que chegue tarde sen un motivo xustificado, en tres ocasións. Se un alumno/a non é admitido/a na aula por ese motivo, o retraso computará como unha falta de asistencia. Se o retraso é de mais da metade da duración dun período lectivo ou se abandona a aula, sen xustificación, 25 minutos antes de rematar a sesión, será reflectido en Xade como falta de asistencia

O alumnado deberá aportar xustificación das faltas, sempre que sexa posible por anticipado, ou no mesmo momento da reincorporación ao centro, non deixando pasar en ningún caso máis de dous días. Achegarase sempre a xustificación documental que proceda segundo o recollido no modelo “Comunicado/Xustificante de Falta de Asistencia” que pode obterse en Conserxería. Poderán xustificarse as faltas a través de AbalarMóbil, sempre e cando o profesorado titor teña habilitada esta opción en Abalar e sempre que se aporte xustificación documental.

En todo caso, a presentación da xustificación non suporá a aceptación automática da mesma. En caso de non aceptar algunha xustificación, o profesorado debe comunicalo ao titor ou titora correspondente.

A reiteración de ausencias non xustificadas poderá conlevar a baixa de oficio, ou a saída do proxecto dual

O alumnado non poderá permanecer no interior dos edificios durante os recreos

O alumnado maior de idade que o desexe poderá saír do centro nos recreos baixo as condicións xa detalladas.

Está terminantemente prohibido comer e beber dentro dos edificios, especialmente nas aulas.

O centro proporcionará un espazo para que o alumnado de ciclos poda quedar a comer a mediodía. O alumnado interesado deberá seguir as normas e instrucións impostas para dito espazo. O non cumprimento de ditas normas poderá ser motivo do peche de dito espazo

O alumnado que desexe comer na cafetaría ao mediodía deberá reservar mesa con antelación seguindo as indicacións do persoal. Os horarios de reserva estarán expostos, tanto para o alumnado que desexe comer nela, como para aqueles que queiran facer reservas de bocadillos.