A vindeira semana, entre o 20 e o 23 de abril terá lugar a Semana de Portas Abertas Virtual na Universidade de Vigo. Serán 4 días durante os que vos darán a coñecer os graos que conforman a oferta académica da Universidade de Vigo e resolverán dúbidas concretas que poidan xurdir durante as presentacións. Será profesorado das diferentes titulacións quen fará as exposicións e atenderá as vosas cuestións para contribuír a definir o voso futuro académico segundo os seguintes itinerarios académicos:
- Luns 20: Artes e Humanidades + Educación
- Martes 21: Xurídico-Social
- Mércores 22: Ciencias e Ciencias da Saúde
- Xoves 23: Enxeñarías
Para participar nesta actividade só é necesario premer nas ligazóns “Campus Remoto” indicadas para cada facultade/escola no programa publicado na web e escribir un nome identificativo no apartado de “Acceso estudantado” unha vez teñades accedido á sala virtual correspondente.
Un saúdo.