A ciberseguridade é o conxunto de prácticas realizadas para protexer os datos dixitais, os equipos informáticos e as redes de posibles ataques maliciosos e intentos de roubo de información. Encárgase de previr e detectar previamente calquera tipo de actividade maliciosa.

Durante a manipulación de dispositivos electrónicos poden xurdir diferentes ameazas, perigos ou riscos. A continuación, aprenderás a identificalos e manter o teu equipo en forma, así como a aplicar a ciberseguridade para protexer tanto os teus dispositivos como os teus datos. Ademais, o noso grupo será o encargado de compartir este coñecemento coa nosa contorna, centrándose principalmente no alumnado de Primaria e os maiores da nosa comunidade. 

Para acadar o noso obxectivo e converternos en especialistas en ciberseguridade, é fundamental ter unha estratexia ben definida. Prepárao!

Acabas de aprender as OITO chaves básicas na seguridade informática:

1. CONTRASINAIS: busca un truco mental para poder ter sempre maiúsculas e minúsculas, signos de puntuación ou números. Non repitas os contrasinais en diferentes plataformas.
2. ANTIVIRUS: instala un e fai unha análise periódica. Podes ter tamén software anti Adware (CCLEANER) e tornalumes.
3. ACTUALIZACIÓNS: execútaas sempre que o sistema operativo te avise, pois incorporan as últimas ferramentas de seguridade para ataques.
4. BLOQUEA/PECHA as SESIÓNS cando non uses o teu computador.
5. DISPOSITIVOS EXTERNOS (pendrives, discos duros, routers, etc.): desconfía deles sempre, extrema as medidas.
6. SPAM: envía os emails á carpeta de Spam, e denuncia os SMS ou chamadas sospeitosas empregando a ferramenta de denuncia/bloqueo do propio móbil.
7. NAVEGACIÓN: evita enlaces sospeitosos (con moitas letras sen orde, curtos de máis, etc.) Son seguros os que veñen verificados con https e candado verde.
8. DESCARGAS: emprega só as webs oficiais, e analiza as descargas.