HospiVital - a saúde e a enfermidade

Benvidos e benvidas , equipo médico do HospiVital.

Esta semana, seredes profesionais sanitarios en prácticas e teredes que axudar a diagnosticar un caso clínico.

Cada equipo recibirá un caso clínico simulado, baseado en síntomas, probas e situacións que poden acontecer na vida cotiá.

O voso obxectivo será obter un diagnóstico para a enfermidade, mediante a elaboración dun informe clínico. Ao rematar, será necesario preparar unha presentación dixital que vos axude a explicarlle ao resto de compañeiros e compañeiras o voso caso, nunha breve presentación oral. 

Recordade: ás veces as enfermidades comparten síntomas, e é importante afondar ben na investigación. Se é necesario, deberedes propoñer a realización de probas médicas adicionais, de forma xustificada. 

Na sección da "Sala de diagnóstico e probas clínicas" poderedes atopar algunha información que pode ser do voso interese como infografías sobre como interpretar análises de urina e sangue, tipos de probas médicas, medicamentos sintomáticos e específicos, etc. 

Que tedes que facer como equipo médico? 

• Asignar roles: escoller á persoa representante do voso equipo médico. 
• Ler atentamente o caso clínico asignado.
• Observade os síntomas, signos, antecedentes, e posibles pistas.
• Investigar cal pode ser a enfermidade.
• Buscade información fiable en libros de texto, webs recomendadas ou fontes científicas sinxelas.
• Cubrir o informe clínico (ver documento anexo).
• Recordade firmar o voso informe clínico.
• Preparar a infografía/ presentación dixital.
• Elaborar un guión coa vosa presentación oral.
• Presentar de forma oral o voso caso clínico, empregando a presentación dixital como apoio. 

Obxectivos desta actividade

• Mellorar a comprensión lectora e científica.
• Aprender a identificar signos e síntomas.
• Fomentar o traballo en equipo e a comunicación oral.
• Aplicar o coñecemento de bioloxía e saúde a situacións reais.
• Mellorar a competencia dixital mediante o uso de ferramentas dixitais para procurar información e comunicar procesos, resultados e ideas científicas. 
• Recoñecer e utilizar fontes de información científica fiable. 

 Avaliación da actividade

Esta tarefa será avaliada mediante unha rúbrica e pondera o 30% na nota correspondente a esta unidade didáctica. 

Na aula virtual e nos documentos anexos, poderás ver a rúbrica coa que se avaliará a actividade. 

Formato de entrega das evidencias da actividade. 

• Un único arquivo para o informe clínico e outro para a presentación dixital. 
• Entregar en formato pdf. 
• A persoa que entregará as evidencias será aquela elixida como representante do voso equipo médico. 
• Nomear o arquivo como ApelidosNome-Informe.pdf (Exemplo: GarciaGonzalezMatias-Informe.pdf)
• Nomear o arquivo como ApelidosNome-Presentacion.pdf (Exemplo: GarciaGonzalezMatias-Presentacion.pdf)
• Non é necesario entregar o guión da presentación oral, pero é recomendable preparar un para mellorar a vosa exposición oral.