No tocante ao idioma inglés, vexo na documentación remitida pola Xunta que se está a considerar a idoneidade de estructurar este nivel en un ou dos anos. Pola miña parte, considero vital que este ciclo estea composto de dous cursos académicos, por varios motivos:
En primeiro lugar, se temos en conta o perfil do alumnado de básico (a lo menos en inglés), esté se compón maioritariamente de alumnado de máis de cincuenta anos, moitos dos cales carecen das estratexias básicas de aprendizaxe, e cos que se ten que realizar un doble proceso de ensino de lingua estranxeira e de ferramentas de estudo.
En segundo lugar, condensar Básico nun curso vai supor un aumento do abandono escolar, non só pola razón mencionada anteriormente, senón tamén pola carga de traballo que terán que asumir os alumnos e alumnas, difícil de compaxinar cun traballo a tempo completo se se parte de cero no ensino dunha lingua.
Por isto, un curso académico é claramente insuficiente para chegar ao nivel requirido co noso tipo de alumnado. Ao fío da baixada de alumnado comentada en claustros anteriores, paréceme que sería un erro pola nosa parte pecharlle a porta ao sector que maioritariamente conforma o nivel básico de inglés.
Os demais ciclos parencenme un pouco máis realistas, se ben como xa se comentou noutros fíos, todos adolecen dun optimismo excesivo respecto aos niveles que se poden acadar nos anos plantexados.