O día 17 de decembro fixemos a derradeira reunión do club de 4º da ESO. Mentres partillabamos unhas mandarinas, comentamos as nosas impresións sobre o libro Furia.
Noa: esperaba bastante máis do final. Quería saber se gaña ou perde no combate. Di que compite coa campioa de Galicia, pero non sabemos se gaña ou perde.
Leire: a min gustoume cando M. convenceu a Avoa Remorso para que puidese participar nos combates. Quere axudala da maneira que pode e, a pesar da diferenza de idade, axúdaa igual.
Aroa: empezou encantándome e ao final decepcionoume moito.
Ileana: non se sabe o que pasou no combate pero cara ao final empezaba a darlle sentido á súa vida: levábase ben coa avoa, estaba feliz...
Antía: deixalo todo polo boxeo pareceume moi esaxerado e moi forte.
