9. Proxectos

Proxecto 1: seguidor solar

Deseña e monta no taller un seguidor solar que se mova nun plano.

Esta páxina pode axudarche: http://diwo.bq.com/jugando-con-la-energia-solar/

Proxecto 2: gaita electrónica

Analiza e persoaliza este proxecto dunha gaita electrónica: http://diwo.bq.com/bq-invento-gaita-electronica/

Proxecto 3: aparcamento

Deseña o control dun aparcamento para dous vehículos que funcione do seguinte xeito:

- Se o coche se achega á entrada, preme un pulsador exterior e hai prazas libres, a barreira debe abrirse durante un tempo. Se non hai prazas libres non se abrirá.

- Para sair débese accionar un pulsador interior que manterá a barreira aberta un tempo apropiado.

- Un indicador luminoso avisará da existencia de prazas libres.

Fai as melloras que consideres.

Pista: iniciando o proxecto 3

Para a montaxe do aparcamento hai que contar cos compoñentes e materiais que temos á nosa disposición no taller.

Unha das opcións máis sinxelas é usar un relé reed situado en cada espazo de aparcamento, que detectará a presenza do vehículo no que previamente debemos ter colocado un pequeno imán. Para indicar que hai prazas libres é suficiente cun díodo LED e a barreira acoplarase a un servomotor para permitir a entrada ou saída non simultánea dos coches.

Reto: ampliando o aparcamento

Amplía a capacidade do aparcamento a tres vehículos e prescinde dos detectores nas prazas: o número de coches debe controlarse ó entrar e saír, ademais mostrarase o número exacto de prazas libres usando tres díodos LED.

Para que o código non se complique demasiado vai a ser útil crear unha función que controle a iluminación dos LED.

Reto: melloras no aparcamento

Engade un sensor que detecte a presenza do vehículo e manteña a barreira levantada ata que pase.

Entre os compoñentes que nos poden axudar temos os sensores de ultrasóns e os de infravermellos que indicamos a continuación, pero compre que investigues sempre outras opcións.

Sensor de ultrasons HC-SR04

Sensor de infravermellos CNY70