Identidade dixital

A identidade dixital é a imaxe que proxectamos ante os demais a través de Internet. Esta xérase a partir do conxunto das publicacións que realizamos e do resto de información que se pode atopar acerca de nós na internet.

De que xeito chega a nosa información á internet?

Aportada por nós de xeito voluntario

Por exemplo, cos contidos que publicamos (posts, vídeos, reels etc.)/ etc.) e a información que achegamos ao darnos de alta nun servizo, aínda que non sexa pública para outros, así como as nosas preferencias sobre o acceso doutros á nosa información, rexistrado nos permisos que damos ás aplicacións.

Aportada por outros

Como amigos ou compañeiros que nos inclúen nas súas publicacións, ben aparecendo en imaxes, mencións, etc.

Xerada automáticamente

Ao interactuar nas aplicacións, buscadores ou navegadores, como a dirección IP e o lugar de conexión, as páxinas que visitamos ou as procuras que facemos etc.

Comezamos a protexernos: As cookies, o modo incógnito ou privado

Sabes o que son as cookies?

E o modo incógnito ou privado dun navegador web?

Retroalimentación

As cookies son pequenos ficheiros de datos que gardan a actividade de navegación que se fai na web. Rexistran as características dos produtos que se buscaron nunha tenda en liña (por exemplo, bicicletas) para ofrecer publicidade relacionada nos banners doutras páxinas, pero tamén as credenciais de acceso que permiten non ter que iniciar sesión novamente nunha conta (de correo electrónico, por exemplo) cada vez que a visitamos nun mesmo navegador. Por iso, débese pechar sesión antes de abandonar un computador público do centro escolar ou calquera outro lugar ao que poidan acceder máis persoas.

Como docentes, a navegación privada ou de incógnito pode ser de utilidade ao utilizar equipos compartidos ou de centro. Nesta navegación, ábrese a xanela de incógnito accedendo ao menú de axustes do navegador (no botón dos 3 puntos ou similar). Así, ao utilizar esta funcionalidade, as cookies e o historial borraranse ao pechar a sesión, non deixando rastro de que páxinas visitáronse e, o máis importante, que ningunha sesión permaneza aberta.

Para saber máis das cookies: https://www.xataka.com/basics/que-cookies-que-tipos-hay-que-pasa-desactivas

Licenciado baixo a Licenza Creative Commons Atribución Compartir igual 4.0