Fabricamos un Kazoo
Autoría: wikipedia/kazoo
Fabricamos un kazoo
O kazoo é un instrumento aerófono cuxo son é un zunido que resulta do aire que vibra nunha pequena peza de plástico ou papel que hai no seu interior.
É divertido e moi sinxelo de fabricar e tocar. Vexamos como facelo.
Materiais
- Un rolo de cartón (sérvenos o do papel hixiénico ou o do papel de cociña)
- Tesoiras
- Un anaco de plástico
- Unha goma elástica
Pasos
- Recortamos un cadrado de plástico ou de papel de seda máis grande que o diámetro do tubo de cartón.
- Colocámolo nun dos extremos do tubo de cartón e, a continuación, fixámolo coa goma elástica.
- Para rematar, realizamos un pequeno buraco preto do extremo no que colocamos o papel ou o plástico. Decorámolo ao noso gusto.
- Xa está listo o noso kazoo. Faino soar poñendo a boca no outro extremo mentres pronuncias a sílaba “tu”.
No seguinte vídeo podes ver unha explicación sinxela de como facer este tipo de kazoo.
Hai moitas formas distintas de construír instrumentos aerófonos. Inventa a túa propia ou mira estoutro vídeo no que con materiais similares se pode fabricar unha bucina.
