O alumnado de quinto de primaria do noso centro vén de acadar o segundo premio no concurso E ti que pensas da igualdade?, convocado pola Deputación de Pontevedra.
O traballo premiado foi un podcast titulado Frecuencia 8M, unha proposta elaborada polo alumnado arredor da igualdade e da reflexión crítica sobre os estereotipos de xénero.
A entrega de premios tivo lugar esta mañá no Centro Vacacional A Lanzada, nun acto no que participaron os centros educativos recoñecidos nesta edición do certame.
Desde o cole queremos felicitar ao alumnado participante polo seu esforzo, creatividade e compromiso. Parabéns por este merecido recoñecemento!
