Presentamos a nova mascota dos Equipos de Dinamización Lingüística do Salnés, que acompañará á nosa querida Pitiña, mascota da biblioteca.
Nun vídeo, a artista creadora da mascota explicou como foi o proceso de creación e animounos a participar propoñendo nomes para ela. Entre todas as propostas do alumnado escollerase unha, que será presentada xunto coas dos demais centros participantes. Finalmente, a artista será a encargada de elixir o nome definitivo da nova mascota.
