O alumnado de 5º e 6º de Primaria levou a cabo un interesante traballo de investigación sobre a historia da radio, afondando nos seus principais fitos e nas persoas que fixeron posible o seu desenvolvemento.
Ao longo do proxecto, descubriron como a radio pasou de ser un experimento científico a converterse nun medio de comunicación esencial en todo o mundo.
Como resultado deste traballo, o alumnado preparou unha exposición que recolle os aspectos máis salientables da súa investigación. Esta mostra está situada nas escaleiras que dan acceso á primeira planta do centro, polo que convidamos a toda a comunidade educativa a visitala e descubrir o fascinante mundo da radio a través da mirada do noso alumnado.
