«Sen cole no cole» é unha das actividades enmarcadas no Programa Municipal de Conciliación “Conciliaortigueira”, que promove a conciliación e a igualdade de oportunidades entre mulleres e homes con fillas/os ao seu cargo, e que está cofinanciado polo Plan Corresponsables do Ministerio de Igualdade e polo Departamento de Política Social da Xunta de Galicia.
«Sen Cole no Cole» é unha iniciativa dirixida preferentemente a familias empadroadas no Concello de Ortigueira que teñan menores de entre 3 e 12 anos. A actividade desenvolverase nas instalacións do CEIP José María Lage, en horario de mañá, nos períodos non lectivos de Nadal e verán. Pódese obter máis información no Centro de Información ás Mulleres (CIM) en Ortigueira, no Centro Social ou chamando ao 981 402 542.
