O día 16 de xuño as familias foron convidadas polo centro a asistir a unha xornada de portas abertas para coñecer os proxectos que se traballaron ao longo deste curso.
Entre ditos proxectos, atopábase o Proxecto Documental Integrado (PDI) “Coas mans dos nosos artesáns”.
Pese a algún atranco tecnolóxico, no noso “stand”, podíanse ver: o vídeo-presentación do PDI, vídeos dos artesáns que acudiron ao centro: J. Sanín, E. Ferro, Manuel e Olalla,… Tamén houbo un álbum de fotos de todas as visitas e obradoiros recibidos sobre esta temática. Dito álbum xa forma parte da nosa biblioteca, así coma o Libro viaxeiro do PDI e o das receitas recopiladas no libro “Petiscos de Galicia”, do cal se gravou un podcast cunha familia do centro.
Tamén estaban expostos algúns dos disfraces e evidencias dos artesáns traballados: das redeiras, costureiras, oleiros… ademais dos refráns aportados polas familias.
Dende a Biblioteca aportamos algúns libros comprados este curso como apoio ao proxecto, así como libriños dos/as artesáns.
Esperamos que a visita fora do voso agrado! Grazas por acudir!
Vémonos o vindeiro curso!!
Un saúdo de Dralibris, o dragón lector!!
