Os cursos Platega impártense en grupos mínimos de 50 persoas e mesmo 100, 150... Esta cantidade de participantes obstaculiza as veces o desenvolvemento axeitado dos debates. Por elo, deberemos organizar subgrupos para
- Reducir o número de participantes
- Adecuarnos ás características e intereses dos participantes.
Para organizar os subgrupos cómpre coñecer algunhas características dos participantes, os seus intereses en canto ás temáticas dos debates, a súa competencia dixital, o seu interese e uso das redes sociais, etc. A enquisa inicial do módulo de Presentación e actividades iniciais debe deseñarse para obter información suficiente acerca dos participantes e poder organizar subgrupos para os debates, grupos de traballo colaborativo, etc.
Segundo a natureza e temática do debate organizaremos subgrupos en función de, por exemplo,
- O nivel educativo no que traballan os participantes: Infantil, primaria, ESO, Bacharelato, FP etc.
- O nivel de competencia TIC ou TAC
- Os intereses persoais
- ...
Estes subgrupos poden organizarse doadamente creando grupos e agrupamentos ad hoc. O xeito de facelo e:
- Creamos e configuramos o foro. Engadímoslle algún recurso para centrar o tema (vídeo, imaxe...) e formulamos, por exemplo, algúns interrogantes para lanzar o debate...
- Crear tantos grupos como necesitemos en Administración > Usuarios > Grupos
- Creamos os agrupamentos necesarios en Administración > Usuarios > Grupos > Agrupamentos.
- Asignamos grupos aos agrupamentos.
- Duplicamos o foro as veces necesarias, tantas como subgrupos.
- Asignamos subgrupos a cada copia do debate.
- Creamos unha actividade Grupo de escolla, na que os participantes escollerán o seu subgrupo no debate.
- Pedimos aos participantes que escollan un dos subgrupo.
- Xa podemos iniciar o debate, cada participante verá e poderá participar unicamente no foro do subgrupo escollido.
Este procedemento para organizar debates deste xeito está documentado e ilustrado con capturas de pantalla nas que se indican os pasos: Espazos de apoio > 1 Crear > En Moodle como fago para... > ...organizar foros de debate ou actividades colaborativas en subgrupos.