Interpretar «A castaña no ourizo».

Achéganse os audios desta peza co fin de favorecer o estudo e a interpretación na aula. O canto entra tras unha pequena introdución baseada na primeira semifrase. Nas dúas primeiras versións as catro estrofas van enlazadas seguidas. Para as dúas seguintes debe prepararse o instrumental de láminas en pentafonía de sol, de maneira que se engadan entre as estrofas cantadas as diferentes improvisacións. O resultado será 1ª estrofa - improvisación de carillóns - 2ª estrofa - improvisación de xilófonos – 3ª estrofa – improvisación de metalófonos – 4ª estrofa – improvisación dos IPAI - (repite todo ata aquí) -  1ª estrofa – improvisación de todos – 2ª estrofa.

Engadir o xogo de substitución de palabras por xestos sobre a primeira estrofa co apoio dos ODE do curso. Cantar a canción seguida sen improvisacións de maneira que a primeira vez se faga sen xestos, a segunda vez con un xesto, a terceira con dous e así progresivamente ata que na novena só se fagan xestos sen canto. Na décima e última se canta con todos os xestos.