Proceso

Para a realización das tarefas imos proceder do seguinte xeito:

1. O primeiro que faremos será distribuír ao alumnado de clase en catro grupos, tratando de que o número de compoñentes dos mesmos sexa similar.
   
   
2. Cada grupo realizará un traballo diferente ao dos demais, aínda que complementario, sobre o magosto. Os oficios a desempeñar son:
   
   
   • Historiadores e historiadoras. 
   • Botánicos e botánicas.
   • Lingüistas.
   • Restauradores e restauradoras.
     
     
3. Ao remate das tarefas encomendadas, cada grupo exporá o traballo realizado ante os demais.
   
   
4. Con todos os traballos elaboraremos unha única presentación sobre o magosto que será exposta na web do cole e no blog da biblioteca para deleite de toda a comunidade educativa.
   
   
5. Os cartaces e libros recopilatorios serán expostos nos corredores do colexio durante o mes de novembro xunto cos traballos presentados ao concurso de manualiades con castañas.

---

HISTORIADORES: Orixe da celebración do magosto

---

Os historiadores buscaredes información sobre a celebración da festa do magosto, seguindo as pautas do guión achegado. 

Cos datos obtidos tedes que elaborar unha sinxela presentación e un gran cartaz ilustrado que os reflictan. 

• Consultaredes as seguintes ligazóns para realizar o voso traballo:
  
  
• O magosto. Web do CEIP Manuel Sueiro.
• O magosto. Web do CEIP de Palmeira.
• Orixe do magosto. Web Delmorrazo.com.
• A celebración do magosto. Concello de Arteixo.
• Guión de recollida de datos.
  
• Modelo de presentacións.
  

---

BOTÁNICOS: Os castiñeiros e as castañas

---

Os espertos en botánica teredes que pescudar información sobre os castiñeiros e o seu froito: a castaña. Seguiredes as pautas que se achegan no guión de recollida de datos. 

1. Primeiro, realizaredes unha sinxela presentación e un cartaz ilustrado no que se reflictan os datos obtidos.
   
   
   • O castiñeiro. CEIP Manuel Sueiro.
   • A castaña. CEIP Manuel Sueiro
   • O castiñeiro. Web de Galias.com.
   • O castiñeiro e as castañas. CEIP de Palmeira.
   • Guión de recollida de datos:
     
   • Modelo de presentación:
     
2. Para rematar o voso traballo, realizaredes un mapa en Google Maps onde localizaredes os castiñeiros milenarios de Galiza cunha imaxe e descrición dos mesmos. Dito mapa será accesible desde a web do colexio.
   
   
   • Castiñeiros milenarios. Web de Galias.com.

---

LINGÜISTAS: Refráns, frases, ditos e poemas sobre o magosto

---

Os lingüístas pescudaredes información sobre refráns, adiviñas e poemas sobre o magosto.

1. Primeiro, nunha presentación faredes unha recopilación de refráns, adiviñas, ditos e poemas sobre o magosto que se engadirá á presentación final sobre o magosto. Empregaredes, entre outras as seguintes ligazóns: 
   
   
   • Refráns do outono. CEIP Colesteiro do Ferrol.
   • Compilación de refráns do CEIP Nosa Sra de Xuvencos.
   • Poemas e refráns do CEIP Mestres Goldar.
   • Buscador de google.
   • Modelo de presentacións.
     
2. Para completar o voso traballo, realizaredes un libro recopilatorio ilustrado para a biblioteca sobre "Refráns, adiviñas ditos e poemas".
   
   
   • Os refráns, ditos, adiviñas e poemas que máis vos gusten, serán ilustrados nunha ficha tamaño DIN A4 que se engadirá ao libro recopilatorio.
   • En cada ficha só poderá figurar un máximo de dous refráns, ditos, adiviñas...
   • Todas as fichas estarán ilustradas con imaxes relativas ao contido que reflicten.
     
     

---

RESTAURADORES: Receitas con castañas.

---

Os restauradores pescudaredes información na web, biblioteca ou no voso entorno, sobre receitas feitas con castañas. 

1. Primeiro, deberedes pescudar información sobre  receitas de cociña que se fagan con castañas. Elaboraredes un libro de receitas en formato presentación, onde figurará unha imaxe ou debuxo do prato, os ingredientes e a preparación da receita. 
   
   
   • Receitas recollidaspolo CEIP Vicente Risco.
   • Receitas compiladas polo Colexio Salesiano de Ourense.(pdf de 11MB)
   • Receitas de Antonio Fernández López.
   • Web Receitas con castañas.
   • Modelo de presentacións.
     
2. Para rematar o voso traballo, plasmaredes en cartaces DIN A3 algunhas das receitas que consideredes que son doadas de realizar para que se animen a facelas algúns dos nosos compañeiros para a celebración do magosto. 

---

Traballo individual

---

Mentres dura a realización desta webquest, teredes que elaborar na vosa casa, como tarefa complementaria, unha manualiade con castañas. Este traballo será presentado ao concurso/exposición que se realizará no centro durante o mes de novembro.

Podedes observar a seguinte galería de imaxes:

• Exposición de manualidades do CEIP Manuel Sueiro.