Peda e dó. Cousas que axudan
|
|
Cousas que axudan (Adaptado de Guía del duelo):
|
|
Ler e informarse sobre o duelo e o que sente.
|
|
Recoñecerse o dereito a estar en duelo, identificar os sentimentos que o acompañan.
|
|
Crear rutinas e tarefas que lle abran ao mundo cotián e favorezan a relación con xente.
|
|
Aprender a gozar e sentir pracer aínda que non se poida compartir coa persoa falecida.
|
| Desafogarse cos demais, na medida do posible con distintas persoas para non xerar sobrecarga nunha soa que poida sentirse desbordada.
|
| Non tomar decisións importantes, nas primeiras fases, por exemplo as referidas a cambios de domicilio ou de traballo, darse previamente tempo de reflexión e recuperación.
|
| Pode ser bo construír unha caixa de recordos. Non desfacerse inmediatamente dos mesmos nin converter as súas cousas e espazos nunha especie de santuario reservado. Revisar gradualmente os obxectos e recordos que teñan maior carga emocional e sexan máis dolorosos.
|
| Manter contacto coa natureza e paseos ao aire libre.
|
| Ante datas sinaladas como Nadais ou aniversarios tomar medidas anticipadas pensando como pode pasalo mellor, falándoo antes con alguén que pode orientar e axudar.
|
| Escribir un diario, libro de experiencias, cartas de despedida. Traspasar a narración, a palabras a amálgama de emocións e sentimentos que presionan no interior.
|
|
"... Vexo unha correlación importante entre a sociedade individualista e a morte, e entre as sociedades relacionais e os mortos..."
Roberto DaMatta, antropólogo
|
Última modificación: xoves, 14 de xullo de 2016, 12:42 PM
