edicion2: 6. Creación de categorías e álbumes públicos e privados. Xestión de usuarios e grupos

📋 6. Creación de categorías e álbumes públicos e privados. Xestión de usuarios e grupos

🎯 Obxectivo

O obxectivo desta tarefa é familiarizarse coa galería de imaxes (Coppermine).

Cada participante accederá á galería do sitio asignado (https://centros.edu.xunta.gal/cursoXX/galeria/) co usuario admin con permisos de administrador co contrasinal Adwd.2026 para:

Cambiar a descrición da galería.
Crear categorías e albúms privados e públicos.
Xestionar usuarios e grupos.

📝 Instrucións para realizar a tarefa

A) Personalización da galería
- Seguindo as instrucións do seguinte enlace, cambiar a descrición da galería no menú Configuración > Configuración xeral > Descrición da galería: modificar para que apareza Galería de imaxes de o voso nome e apelidos. Gardar a nova configuración
- Opcionalmente cambiar o tema ou plantilla que da aspecto á galería no menú Configuración > Configuración de Temas. O tema establecido inicialmente é o Curve. Existen 4 temas máis. En calquera caso para a realización do curso empregaremos o tema por defecto: Curve. Podedes consultar como facelo no seguinte enderezo.
B) Creación de categorías e álbumes públicos
- Como usuario admin (Ficheiros > Categorías), crear unha categoría tal e como se explica na documentación.
  - Título da categoría: Curso 2021-22.
  - Descrición da categoría: Imaxes do centro do Curso 2021-22.
- No menú Ficheiros > Albums, seleccionar a categoría Curso 2021-22 para crear 2 álbumes cos nomes Magosto e Entroido en dita categoría. (Para crear un álbum, facer click en "Novo álbum" e a continuación escribir o nome do álbum e premer en "Ok". (Podedes ver a documentación de como facelo no seguinte enlace).
- Seleccionar o álbum Magosto facendo click sobre el e a continuación premer en Propiedades do álbum:
  - Para especificar que o álbum sexa público (documentación):
    - O álbum pode ser visto por: Todos (álbum público).
    - Protexer con contrasinal este álbum: Non marcar o check
  - Para impedir que outros usuarios distintos ao usuario que creou o álbum podan subir ficheiros no álbum Magosto:
    - Visitantes poden subir ficheiros: Non
  - Adicionalmente permitiremos que os visitantes podan valorar os ficheiros subidos

- Repetir o paso anterior para o álbum Entroido coa única diferencia que neste caso os Visitantes non poden valorar ficheiros: Visitantes poden valorar ficheiros: Non.

- O seguinte paso será subir imaxes aos álbumes creados no paso anterior premendo no botón Subir ficheiro (aquí tedes o enlace coa explicación de como facelo).
  - Seleccionar o álbum Magosto e subir as imaxes 1.jpg e 3.png.
  - De xeito similar, seleccionar o álbum Entroido e subir nel as imaxes 2.jpg e 4.png.
- Pechar a sesión e como usuario anónimo comprobar que as imaxes anteriores sexan visibles. Verificar que no álbum "Magosto" é posible valorar as imaxes e en "Entroido" non.
- Comprobar o funcionamento do pase manual das imaxes premendo nos botóns "Ver ficheiro anterior" e "Ver ficheiro seguinte" . (Neste enlace podes ver a información sobre como visualizar as imaxes da galería).
- Comprobar o funcionamento en modo Presentación premendo na icona . (Pódese cambiar o tempo de transición entre imaxes no menú Configuración > Vista de imaxes > Intervalo da presentación de diapositivas - en milisegundos -. Aquí tes o enlace coa explicación de como facelo).

C) Solucionar problemas na subida de arquivos á galería

👉 Coppermine establece por defecto uns parámetros de configuración para os diferentes tipos de arquivos que se poden subir á galería. O incumprimento dalgún deles provocará a aparición dunha mensaxe de erro no momento de subir ficheiros á aplicación. Para solucionar o problema será preciso acceder como usuario administrador e cambiar algún parámetro de configuración. Para explicar este proceso provocaremos un erro concreto a modo de exemplo (podes ver a documentación no seguinte enlace).

- Subir ao álbum Magosto a imaxe castanas.jpg que podes descargar do cartafol de imaxes.
- Aparecerá unha mensaxe de erro provocada polo exceso no tamaño do ficheiro que se pretende subir.

O erro anterior ven provocado polo feito de que o ficheiro castanas.png ten un tamaño de 1.4 MB, o que excede o tamaño máximo por defecto configurado en Coppermine. Para solucionar o erro, como usuario admin prememos en Configuración > Configuración de ficheiros > Tamaño máximo dos ficheiros subidos e especificamos por exemplo 4 MB.
Premer en Gardar a nova configuración.

👉 Álbumes privados. Restrinxir o acceso a un álbum con contrasinal

Os álbumes privados son aqueles que só poden ser visualizados polo usuario que os crea.
Unha variante intermedia entre álbumes públicos e privados consiste en especificar un contrasinal que haberá que introducir para posibilitar o acceso aos contidos dun álbum.

D) Transformación do álbum Entroido de público a privado (como usuario admin)

- No menú Ficheiros > Álbums, seleccionar o álbum Entroido e facer click en Propiedades do álbum.
  - O álbum pode ser visto por: Marcar a opción Só eu.
  - Protexer con contrasinal este álbum (Clic si): deixamos o check desmarcado.
  - Gardamos os cambios premendo en Actualizar álbum.
- Pechar sesión e comprobar que como usuario anónimo non podemos visualizar agora o álbum Entroido.
- Podes consultar a documentación do visto neste apartado no seguinte enlace.

E) Restrinxir o acceso ao álbum Entroido mediante un contrasinal (como usuario admin)
- No menú Ficheiros > Álbums, seleccionar o álbum Entroido e facer click en Propiedades do álbum.
  - O álbum pode ser visto por: Marcar a opción Só eu.Protexer con contrasinal este álbum (Clic si): marcamos o check.
    - Contrasinal do álbum (Novo contrasinal): Especificamos como contrasinal: coppermine
    - Pista do contrasinal do álbum: Especificamos: A aplicación da galería de imaxes é (minúsculas)
  - Gardamos os cambios premendo en Actualizar álbum.
- Pechar sesión e comprobar que como usuario anónimo non podemos visualizar agora o álbum Entroido.
- Para posibilitar aos usuarios anónimos a existencia de álbumes privados, como usuario admin deberase marcar a opción Configuración > Vista lista de álbums > Amosar icona de álbum privado a usuarios non acreditados e facer click en Gardar a nova configuración.
  - A partir desde momento os visitantes verán unha icona cun candado indicando que se trata dun álbum privado.
- Pechar sesión e comprobar que agora como usuario anónimo aparece o álbum Entroido cun candado. Ao premer sobre el nos pedirá o contrasinal de acceso.
- Podes consultar a documentación do visto neste apartado no seguinte enlace.
F) Creación dun usuario e dun álbum persoal
- Como usuario admin, crear un novo usuario premendo no botón Usuarios e, a continuación, no botón Crear novo usuario:
  - Nome de usuario: profesor
  - Contrasinal: Poñer como contrasinal profesor.
  - O usuario está activo: Ten que estar marcada a opción Si.
  - Grupo do usuario: Deixar a opción por defecto que aparece no desplegable: Registered.
  - Email do usuario: Neste caso podemos deixalo en branco, aínda que nunha galería dun centro real sería moi recomendable para o caso de esquecer o contrasinal.
  - Facer click en Enviar para gardar os cambios.
- Poñer o punteiro do rato por riba do menú Usuarios e na opción emerxente Grupos editar os permisos para o grupo Registered (O grupo Registered en Coppermine é equivalente ao rol usuario autenticado en Drupal. É dicir, usuarios rexistrados que dispoñen dunha conta de usuario na plataforma):

- - Eliminar a cuota de 1024 KBytes para o grupo Registered e por 0 no seu lugar. (Sen cuota). Deste xeito non terán límite de almacenamento de arquivos subidos na plataforma.
  - Na columna Subida de álbums públicos: Aprobación marcaremos a a opción Non para permitir que os usuarios do grupo Registered podan engadir directamente ficheiros a álbumes públicos sen necesidade de aprobación por parte dun administrador:
    - No caso de marcar a opción Aprobación: Si, a imaxe que suba o usuario profesor non será publicada ata que o administrador o autorice).
  - Na columna Galería persoal, deixaremos as opcións por defecto que permiten que estes usuarios teñan unha Galería Persoal e que podan subir aquivos directamente a ela: Permitido: Si, Aprobación:Non.
  - Facer click en "Aplicar cambios" para gardar a nova configuración.

Unha vez configurados os pasos anteriores, realizar o seguinte:

- Pechar sesión como admin e iniciar unha nova sesión co usuario profesor.
- Crear un álbum na galería persoal do usuario profesor, na categoría A miña galería co voso nome e apelidos. Para iso:
  - Poñer o punteiro do rato por riba do menú O meu perfil e facer click na opción emerxente Crear / ordenar os meus álbums
  - Fixarse que a única categoría dispoñible é A miña galería. Premer en Novo álbum. (*)
  - Premer no álbum creado para seleccionalo e despois en Propiedades do álbum.
  - Configurar o álbum para que sexa público: O álbum pode ser visto por --> Todos álbum público, sen especificar ningún contrasinal.
- Premer en Subir ficheiro para engadir a imaxe 5.gif que podedes atopar en Imaxes para a realización das tarefas. Observar que a aplicación só permite subir a imaxe ao álbum creado como álbum persoal.
- Pechar sesión e comprobar que os usuarios anónimos poden visualizar este novo álbum das galerías de usuarios coa imaxe subida.

👉

Os administradores poderían permitir que os usuarios do grupo Registered creasen álbumes en categorías xa creadas previamente diferentes á galería persoal do usuario. Por exemplo, para permitir que creasen álbumes na categoría 2021-22 habería que editar a categoría e facer clic na opción:

Grupo(s) autorizado para crear álbums nesta categoría: Marcar a opción Registered de xeito que quede resaltada en azul e gardar os cambios en Actualizar/Crear categoría.

G) Permisos para publicar de forma compartida no mesmo álbum

👉 Neste apartado permitirase que o usuario profesor poida subir ficheiros ao álbum público Magosto creado na tarefa anterior polo usuario admin, pertencente á categoría Curso 2021-22.

O usuario profesor pertence ao grupo Registered, para o cal xa se estableceron antes os permisos necesarios. Agora cumprirá dar permisos no álbum correspondente (Magosto).

- Identificarse como administradores co usuario admin:
  - Premer en Ficheiros > Álbums.
  - Seleccionar a categoría 2021-22 e premer no álbum Magosto para seleccionalo.
  - Premer no botón Propiedades do álbum.
- No apartado Permisos para este álbum:
  - Visitantes poden subir ficheiros: SI. O termo "Visitantes" parece dar a entender que se permitirá subir fotos a calquera usuario anónimo e non é así, xa que os permisos dos visitantes dependen do grupo ao que pertenzan. Para o caso do grupo Guest, ao que pertencen os usuarios non autenticados, non debe ter permisos para subir ficheiros.
  - Non marcar o check Protexer con contrasinal este álbum para evitar que se convirta en privado.
  - Premer en Actualizar álbum para gardar os cambios.

Unha vez realizados os pasos anteriores:

- Pechar sesión como admin e identificarse co usuario profesor.
- Premer en Subir ficheiro.
  - Seleccionar o álbum Magosto da categoría Curso 2021-22. Engadir a imaxe 6.gif (Trátase dun gif animado).
- Realiza unha captura de pantalla na que se visualice que se está a traballar co usuario profesor e se selecciona o álbum Magosto para subir a imaxe 6.gif.
- Gardar os cambios.
- Pechar sesión. Comprobar que como visitante anónimo poden verse todas as imaxes do álbum Magosto incluída a que acabamos de subir.

📌 Isto é así porque no apartado a) da tarefa indicouse para o grupo Registered a opción: Subida de álbums públicos--> Aprobación Non. No caso de ter marcada a opción Aprobación: Si, sería preciso a aprobación dun administrador para que os ficheiros fosen visibles. No seguinte enlace podes ver a documentación de como se faría.

📊 Criterios de avaliación

Apartado A)	50%
Apartado B)	50%

📂 Documentación a entregar

Resposta a esta tarefa cun enlace á URL da páxina principal do teu sitio de prácticas.