Características

Están presentes en hábitats moi diferentes. Hai animais invertebrados terrestres, outros son acuáticos e algúns poden voar.

A pesar desta gran diversidade, os invertebrados teñen algunhas características comúns:

Non teñen esqueleto interno con columna vertebral.
Son ovíparos, é dicir, que se reproducen por ovos.

Outras das características son:

Protección

O corpo dos animais invertebrados é brando. En ocasións, non teñen ningunha estrutura de protección no seu corpo, como é o caso das lesmas ou das medusas. E, noutras ocasións, si contan con protección, a cal pode ser en forma de:

Cunchas, coma no caso das ameixas.
Pel dura, coma no caso dos escaravellos.

Simetría

Segundo a distribución das partes do corpo, os animais invertebrados poden:

Ter simetría bilateral, se o corpo do animal se pode dividir en dúas metades iguais.

Ter simetría radial, se as partes do corpo se dispoñen arredor dun punto central, coma os radios dunha roda.

Ser asimétricos.