Saltar la navegación

5. Concreccións metodolóxicas

MODELOS METODOLÓXICOS



  • Modelo Experiencial: a explicación dos contidos será sempre co alumnado en contacto co ordenador. O profesor ou profesora guiará ao alumnado na aprendizaxe dos distintos procedementos.

  • Traballo por Tarefas: unirase a aprendizaxe dos distintos conceptos das distintas unidades didácticas á práctica dos distintos procedementos aprendidos. Deste xeito será o alumno o que aprenda a utilizar as distintas ferramentas utilizadas no curso, para adquirir información e coñecemento. Ademais, a metodoloxía empregada promoverá que o alumnado transmita esta información adquirida utilizando tamén as distintas ferramentas utilizadas.



PRINCIPIOS METODOLÓXICOS

  • Actividade e experimentación.

  • Participación.

  • Personalización.

  • Significatividade.

  • Funcionalidade.

A metodoloxía a empregar terá en conta os diferentes ritmos de aprendizaxe do alumnado e as súas características individuais e/ou estilos de aprendizaxe, co fin de conseguir que todo o alumnado alcance o máximo desenvolvemento das súas capacidades. Así mesmo, proporánselle ó alumnado tarefas que favorezan a súa capacidade para aprender por si mesmo, para traballar e promover o traballo en equipo, e para aplicar métodos de investigación apropiados.

A metodoloxía que se utilice favorecerá o traballo individual pero tamén en grupo, o pensamento autónomo, crítico e rigoroso, o uso de técnicas e hábitos de investigación en distintos campos do saber, a capacidade do alumnado de aprender por si mesmo, así como a transferencia e a aplicación do aprendido.

Traballo por Tarefas: unirase a aprendizaxe dos conceptos das distintas unidades didácticas á práctica dos distintos procedementos aprendidos. Deste xeito será o alumno o que aprenda a utilizar as distintas ferramentas utilizadas no curso, para adquirir información e coñecemento. Ademais, a metodoloxía empregada promoverá que o alumnado transmita esta información adquirida utilizando tamén as distintas ferramentas utilizadas.

  • Tarefas individuais: A meirande parte das tarefas realizaránse de xeito individual.

  • Tarefas en pequenos grupos: Algunhas das tarefas poderanse realizar en pequenos grupos para mellorar a capacidade de comunicación entre o alumnado á hora de traballar. Nestas tarefas potenciarase a utilización de ferramentas dixitais para traballo cooperativo.

Tendo en conta a Orde 3,5/2020, do 22 de abril, do Ministerio de Educacion e Formacion Profesional, pola que se establecen o marco e as directrices de actuación para o terceiro trimestre do curso 2019/2020 e o inicio do curso 2020/2021 e, en relacion coa metodoloxía didactica, os recursos dixitais serán de utilizacion preferente e as actividades educativas deseñadas poderanse desenvolver de forma presencial e non presencial, tal e como vén sendo práctica habitual do equipo docente do departamento de Tecnoloxía.

É por iso, que o desenvolvemento dos contidos das materias de Tecnoloxía vai intimamente ligado ao emprego de plataformas virtuais (principalmente a Aula Virtual do instituto), onde os alumnos teñen diverso material á súa disposición e que, ademáis, funcionan como medio para realizar e entregar diversas tarefas e probas.

Debemos destacar tamén que, tendo en conta o Protocolo de Adaptacion ao Contexto da COVID 19 nos centros de ensino non universitario de Galicia para o curso 2020/2021, e atendendo  ás medidas preventivas, colectivas e individuais que deben adoptarse no inicio do desenvolvemento do curso escolar 2020/2021, o equipo docente replantea o enfoque das materias do Departamento, procurando neste contexto tan excepcional que os contidos sexan reforzados non mediante actividades/ prácticas grupais nos talleres, senón fomentando, na medida do posible, as tarefas de simulación individuais mediante equipamento informático.