O editor de texto (dar formato ao texto, crear enlaces, inserir imaxes, incrustar vídeos,...)

O chamado editor de texto é un editor de HTML que permite ao usuario (profesorado e estudantes) escribir contido en formato web.

Moitos dos botóns son similares aos que aparecen nos programas de edición de texto.

(HTML significa Linguaxe de Marcas de Hipertexto e é a linguaxe que se emprega para crear páxinas web; é dicir, os arquivos que aceptan os navegadores como Mozilla Firefox ou Google Chrome). Afortunadamente, grazas aos editores de HTML como o de Moodle, non precisamos aprender esa linguaxe de programación para crear páxinas web).