Semana do 20 ó 24 de abril (1º Bac A e B)

Para esta semana imos a retomas a tarefa que vos mandara para a última semana do 2º Trimestre e que finalmente vos suspendera. Recórdovos en que consistía:

Sesión 1 (Luns 20 para BACH. A e B)

Cada un de vós terá que deseñar unha sesión de adestramento para unha das Capacidades Físicas ( a que vós escollades). Debe ser unha sesión que poidades facer na vosas casas estes días de confinamento, e quero que empreguedes só material doméstico para a realización dos exercicios. Por exemplo: sillas, botellas, mangos de escobas, etc. Todo o que a vós se vos ocurra, pero que non sexa material deportivo, ainda que dispoñades del.

Tedes que indicar:

• A que capacidade física vai dirixida.
• Os exercicios que empregades. 
• O Volume e a Intensidade da sesión.
• O material que empregades.
• Outros como poden ser utilización de música, etc.

(Este guión é orientativo. Cada un que o estructure como mellor lle pareza)

Tendes de prazo ata o mércores 22 para subila ó Classroom. 

Aquelas persoas que xa o fixeran, simplemente terán que subilo á plataforma.

Sesión 2 ( Mércores 22 BACH A e Xoves 23 BACH B)

Agora tendes que levar a vosa rutina á practica. Debedes gravala e subila. O ideal é que a poñades en práctica polo menos 2 días e así xa a teñades controlada á hora de gravala.

Xa que os vídeos pesan moito e  son complicados de subir, intentade non facelos moi longos. Por exemplo, se o voso adestramento é un circuíto pois gravade só unha serie, reducindo as repeticións, ainda que o que teñades deseñado sea máis. Cada un que adapte en función do tipo de adestramento que escolla. Que o video sexa máis a modo explicativo e con exemplo, que un adestramento en tempo real.

Podedes facer unha breve explicación ó inicio do vídeo indicando en que consiste o adestramento e os principais exercicios que inclúe. O adestramento completo xa o podo ver no formato escrito que me tendes que entregar antes do xoves. 

En canto ós videos en xeral, canta máis calidade teñen máis complicado é colgalos. Se tendes que poñerlle peor calidade ou tende posibilidade de baixarlla facédeo, non importa que teñan unha resolución baixa nin pouca calidade. Prefiro que non vos dean problemas á hora de subilos. 

O prazo para subir a gravación é ata o venres 24 inclusive.

Dádelle caña!