Intelixencia Artificial

Pasos a seguir

1. Deseña unha árbore de decisión que permita distinguir 6 opcións diferentes (por exemplo: persoas, xogadores/as, animais, froitas, películas, etc.).

2. Pensa e redacta unha serie de preguntas pechadas (de resposta “si” ou “non”) que permitan diferenciar claramente entre as 6 opcións escollidas. Podes empregar unha LLM para que te axude.

3. Debuxa a árbore de decisión en LibreOffice Draw

4. Programa o proxecto en Scratch:

   • Na pantalla aparecerá unha imaxe de cada personaxe (película..) 

   • Haberá un obxecto (sprite) que  fará as preguntas na pantalla.

   • Recollerá as respostas da persoa usuaria (“si”/“non”) e seguirá a rama correspondente.

   • Cando chegue a unha solución amosará a opción adiviñada, engrandecendo a imaxe seleccionada.

5. Comproba o funcionamento do programa, asegurándote de que, tras responder todas as preguntas, o programa chega a unha única opción correcta.

6. Proba o programa con varias persoas e axusta ou mellora as preguntas se é necesario.

A entregar

1. Árbore de decisión en .odg e en .pdf

2. Programa de Scratch en .sb3

Exemplos: 

Exemplo 1 — Xogadores/as de fútbol

Opcións: Aitana Bonmatí, Alexia Putellas, Olga Carmona, Iago Aspas, Koke, Pedri.

Preguntas posibles:

• ¿É xogadora? (si/non)

• ¿Xoga no Celta? (si/non)

• ¿É centrocampista? (si/non)

• ¿Gañou un Balón de Ouro? (si/non)

Exemplo 2 — Animais do bosque atlántico

Opcións: raposo, corzo, teixugo, curuxa, xabaril, lobo ibérico.

Preguntas posibles:

• ¿É un mamífero? (si/non)

• ¿Voa? (si/non)

• ¿É máis grande ca un can? (si/non)

• ¿Ten o pelame avermellado? (si/non)

Exemplo 3 — Froitas

Opcións: mazá, pera, laranxa, plátano, kiwi, uva.

Preguntas posibles:

• ¿Ten a pel dura ou grosa? (si/non)

• ¿É cítrica? (si/non)

• ¿É verde por dentro? (si/non)

• ¿Preséntase en acio? (si/non)

Exemplo 4 — Series ou películas

Opcións: Stranger Things, A Casa de Papel, Incredible Hulk, Shrek, Avatar, Harry Potter.

Preguntas posibles:

• ¿É de animación? (si/non)

• ¿Aparecen superpoderes? (si/non)

• ¿A historia transcorre nun instituto? (si/non)

• ¿Forma parte dunha saga con varios episodios ou películas? (si/non)