O sábado 21 de decembro celebrouse no Museo Centro Gaiás, na cidade da cultura compostelá, o acto de entrega dos Premios Extraordinarios de Formación Profesional de grao superior, Ensinanzas Artísticas Profesionais, Bacharelato e ESO.
Neste acto, presidido polo presidente da Xunta de Galicia, o noso alumno Diego Portos recibiu o premio correspondente á familia profesional de Transporte e Mantemento de Vehículos. Cómpre lembrar que na categoría de Formación Profesional soamente se outorga un premio por familia profesional, o cal reflicte a excepcionalidade e o bo facer de Diego.
Felicitamos o alumno, a familia e o equipo docente que acompañou a Diego nos catro anos que estivo no IES de Curtis: Parabéns!
