No IES de Curtis seguimos tecendo unha rede que nos permite afondar na internacionalización do centro, co obxectivo de atopar novas oportunidades de cara ao desenvolvemento integral do alumnado. O director do instituto, Ángel, realizou unha mobilidade de job-shadowing no Agrupamento de Escolas João de Meira, na localidade veciña de Guimarães, no norte de Portugal.
A acreditación no sector escolar do programa Erasmus+ permitirá traballar os obxectivos de inclusión, sustentabilidade e dixitalización, así como a mellora da competencia lingüística e o afondamento no sentimento de pertenza a Europa.
Agardamos con ilusión o momento de facer uso desta rede e que repercuta directamente no alumnado! Mil grazas a toda a comunidade do João de Meira pola súa hospitalidade!
