A nosa primeira experta invitada no IES de Curtis foi Fátima Almeida, divulgadora da lingua portuguesa.
Fátima acompañounos durante unha semana enteira, impartindo obradoiros nas aulas de portugués de todos os cursos do centro. Esta experiencia contribuíu á mellora da competencia lingüística do noso alumnado nesta lingua irmá, fundamental na estratexia de internacionalización do noso instituto, aínda que non rematou aquí a súa aportación. Entre outras moitas, o fomento dos valores da UE é outra das liñas deste programa e, aproveitando a proximidade do 25 de abril, creamos un mural en lembranza desta data tan importante para todos.
Cómpre dicir que esta non é a única mobilidade na que estarán presentes os nosos veciños, pois en moi poucos días outro grupo de alumnos e de alumnas viaxará a Guimarães para seguir desenvolvendo os nosos obxectivos.
