11. España aferrollada baixo a ditadura franquista: represión, exilio, fame e mercado negro... desarrollismo e tardofranquismo

Analiza os documentos que presentamos neste cartafol e nos materiais que o seguen. Despois:

1º. Aplica a definición de xenocidio ás diferentes modalidades de represión física (legal e paralegal), administrativa, económica, xudicial e social aplicada polos sublevados contra a Segunda República durante a guerra civil e na posguerra da ditadura franquista.

2º. Argumenta si hai evidencias dun xenocidio político perpetrado polo bando franquista e compárao coas diferentes formas de violencia practicadas no territorio republicano durante a guerra: Paracuellos del Jarama, terror vermello contra bens e persoas da Igrexa e de sectores conservadores da sociedade española da época, etc.

O territorio galego foi, ademáis de despensa de alimentos e soldados par os exércitos dos militares sublevados contra a Segunda República, un espazo no que estableceron campos de concentración para os presos políticos e os prisioneiros traídos dende outras rexións españolas.

A illa de San Simón converteuse nun deses espazos de reclusión e morte, ben estudados dende comezos deste século por diversas persoas expertas, mais existiron outros moitos en mosteiros (Celanova, e Oseira), antios almacéns de salga etc.

Descarga no teu equipo a información deste cartafol. Analízaa de vagar e elabora un texto expositivo sobre as características deses campos de concentración en Galicia.

Descarga no teu equipo as imaxes deste cartafol.

Despois entras nos códigos QR das numeradas como 1. Memoria da represión franquista... e doutras dúas numeracións (catro imaxes en total) que ti escollas. Escoitas con atención ese testemuño e elaboras un mapa conceptual ou cadro / táboa no que recollas as causas, as características e as consecuencias da represión perpetrada polos victimarios fascistas contra esas persoas. Debes describir:

1. O perfil por sexo, idade, actividade profesional, estado civil e militancia sindical ou política das vítimas desa represión.

2. O tipo de represión que padeceu:

- Física con resultado de torturas, paseo, fusilamento despois de xuizo ou cadea en prisión ou en campos de traballo forzado.

- Administrativa: depuración de cargo ou emprego público, multa e incautación de bens, cadea.

3. As consecuencias para as vítimas e as súas familias, incluíndo as experiencias traumáticas do exilio e os campos de refuxiados en Francia.

4. Argumenta si esas modalidades de represión perpetradas polos sublevados franquistas na retagarda se poden caracterízar como crime de guerra ou xenocidio político aplicando a lexislación internacional xenerada despois da Primeira Guerra Mundial.

Descarga no teu equipo os materiais deste cartafol. Despois elabora un texto argumentativo explicando:

1º. As características ideolóxicas da ditadura franquista.

2º. Os apoios sociais e políticos que tivo durante a guerra civil e a posguerra.

3. A súa evolución ideolóxica para adaptarse ao contexto político internacional durante a Segunda Guerra Mundial e a Guerra Fría.

Elabora un mapa conceptual sobre os obxectivos e as consecuencias da Autarquía imposta polo goberno franquista en 1940 partindo das imaxes que xuntamos neste cartafol e dos contidos traballados nas sesións presenciais.