Exemplo de comentario de actualidade - Ortega e Zambrano.
TEMAS POSIBLES: o racionalismo (filosofía tradicional e ciencia) como único modo de comprender o mundo, a importancia das distintas perspectivas (culturais, ideolóxicas, etc), a dependencia que temos do traballo, tecnoloxía, etc., nas sociedades contemporáneas (importancia da vida)
EXEMPLO:
Kaspersky, la empresa líder en soluciones y servicios de ciberseguridad de última generación, ha elaborado un informe, denominado ‘Influencia de la tecnología en la vida de los españoles’, donde se recogen datos tan significativos como que casi un 70% de la población tiene dependencia tecnológica o que un 45% de los encuestados reconoce que pasaría más tiempo con su pareja si dedicara menos tiempo a sus dispositivos. Marc Rivero, analista de ciberseguridad de Kaspersky, cree que en nuestro país todavía no hay suficiente conciencia ni educación sobre el uso adecuado de las tecnologías, algo que debe hacerse, dice, desde edades muy tempranas. Pero, en un mundo tan conectado, cómo reconocer que tenemos una dependencia tecnológica.
García, P., (25 de abril de 2023) Un 70% de la población tiene dependencia tecnológica, según un estudio de Kapersky. https://cadenaser.com/cmadrid/2023/04/25/un-70-de-la-poblacion-tiene-dependencia-tecnologica-segun-un-estudio-de-kaspersky-ser-madrid-sur/
Podemos considerar que a ciencia e a técnica están aí para mellorar e facilitar as nosas vidas, mais noticias como as que se nos presenta demostra que unha confianza acrítica nestas disciplinas pode facernos dependentes. É incuestionable que o progreso científico e tecnolóxico dos últimos tempos permitiunos, como sociedade, acadar cotas de progreso sen parangón na historia da humanidade, pero coa chegada dos modernos dispositivos móbiles ou a Intelixencia Artificial xorde a necesidade de preguntarse se hai outras formas de comprender o mundo que nos rodea e que ao mesmo tempo nos permitan fuxir desta dependencia. Para afondar nisto podemos acudir á obra de dúas das grandes figuras da filosofía española do século XX: José Ortega y Gasset e María Zambrano. O primeiro, na súa primeira etapa, a obxectivista, abrazou a ciencia que se estaba a desenvolver a principios do século pasado como modelo a seguir fronte ao "subxectivismo" que ao seu xuízo imperaba no noso país. Con todo, pronto abandonou esa posición e comprendeu que o racionalismo que tanto a filosofía como a ciencia defendían era insuficiente para comprender o mundo. Todos os individuos temos algo que aportar, unha perspectiva condicionada polas circunstancias que nos rodean (vitais, culturais, etc.), unha forma única de achegarse á realidade. Do mesmo xeito, na súa última etapa, o seu raciovitalismo quixo conxugar esa tradición racionalista coa defensa da vida: a razón debe estar ao servizo da vida, e non ao revés. De non ser así, a ciencia e a técnica pode esclavizarnos, tal e como se reflexa na noticia que estamos a comentar.
Por outra banda podems acudir a Zambrano, á súa razón poética, que critica esa fe cega na razón, na filosofía tradicional e na ciencia, que pretende reducir o devir que caraceriza a vida a conceptos inmutables, unha ambición desmedida que nos afasta da realidade.
Así, podemos concluír, que se ben a ciencia e a técnica nos axudaron e axudan a estar no mundo non debemos deixar que a nosa vida se poña ao servizo destas, senón máis ben, todo o contrario.