Teñen corpo alongado e brando, a maioría con aneis.
Viven en lugares húmidos, case todos parasitos.

As lombrigas ou miñocas terrestes son vermes de corpo longo, brando e cilíndrico, que vive na terra. Son moi beneficiosas xa que airean e renovan a terra, facéndoa máis fértil.

As lombrigas intestinais son un verme parasito do intestino humano e dalgúns animais vertebrados. Infestámonos inxerindo os seus ovos, que se atopan no chan ou en alimentos mal lavados.

Mantendo unha hixiene adecuada, lavando as mans antes de comer, evitaremos contaxios.

A tenia ou solitaria: Verme de corpo longo dividido en segmentos planos, do que existen varias especies, que en estado adulto é parasito do intestino dos vertebrados, incluídos os humanos. Pode chegar a medir varios metros  de lonxitude, invadindo o intestino delgado e alimentándose dos nutrientes intestinais.

Existen moitas máis especies de vermes parasitos e tamén chamamos vermes as eirugas ou larvas dalgúns insectos que sofren metamorfose.