Os países nórdicos (Suecia, Finlandia, Noruega, Dinamarca) teñen sona de seren dos países máis avanzados na conciliación da vida laboral e familiar. Para gravar Conciliación, o equipo de Salvados desprazouse a Suecia e contactou con David Pallarès. David naceu en Barcelona, pero leva máis de quince anos afincado en Suecia, onde naceron os seus dous fillos. O documental emitiuse o 10 de marzo de 2016.

Reflexión

Fai un resumo das medidas de conciliación que se recollen na entrevista a David. Atende a estes aspectos:
1. Servizos públicos.
2. Horarios laborais.
3. Prestacións sociais.
4. Permisos de parternidade/maternidade.
O estado sueco paga 140€ por mes por filla/o até os oitos anos? Que finalidade ten esta medida
É Suecia unha sociedade paritaria? Está en camiño de selo?
Que medidas está poñendo en marcha o goberno sueco para conseguir que se repartan de xeito equitativo os permisos de paternidade e maternidade? Con que finalidade?
Segundo David, a sociedade sueca baséase na responsabilidade persoal. Cada persoa responsabilízase de organizar os seus horarios. Esta flexibilidade pode ser unha solución para conciliar vida laboral e familiar?
Ser pai cambiou o concepto de paternidade que David tiña antes de selo. Pensas que a repartición equitativa do permiso axudoulle a entender mellor o papel tradicional das mulleres como coidadoras?
É David un exemplo das novas masculinidades?