Xeacronos 4 (Xeografía e Historia. 4º ESO)

• LE OS SEGUINTES DOCUMENTOS E RESPONDE AS CATRO CUESTIÓNS DO FINAL SUBINDO UN DOCUMENTO EN FORMATO PDF

DOC 1.-

"É só na miña persoa onde reside o poder soberano, cuxo carácter propio é o espírito de consello, de xustiza e de razón; é a min a quen deben os meus cortesáns a súa existencia (...); só a min me pertence o poder lexislativo sen dependencia e sen división (...); a orde pública emana de min, e os dereitos e os intereses da Nación, dos que se adoita facer un corpo separado do Monarca, están unidos necesariamente ao meu e non descansan máis ca nas miñas mans."

Discurso de LUÍS XV ao Parlamento de París o 3 de marzo de 1766

DOC 2.-

"I.- (...) o pretendido poder de suspender as leis e a aplicación das mesmas, en virtude da autoridade real, é ilegal.

IV.- (...) o cobro de todo imposto en beneficio da Coroa (...) sen o consentemento do Parlamento (...) é ilegal.

VI.- O recrutamento ou mantemento dun exército, dentro das fronteiras do Reino en tempo de paz, sen a autorización do Parlamento, son contrarios á lei.

XIII.- Que (...) para conseguir a modificación, aprobación e mantemento das leis, o Parlamento debe reunirse con frecuencia."

Declaración de dereitos asinada por GUILLERMO DE ORANGE. Inglaterra, 1689)

DOC 3.-

"Deus estableceu aos reis como os seus ministros e reina mediante eles sobre os pobos (...). Os príncipes actúan como os ministros de Deus (...). Por iso, o trono real non é o trono dun home, senón o do mesmo Deus. Por todo o anterior, a persoa do rei é sagrada e atentar contra ela é un sacrilexio."

BOSSUET (1709)