TAREFA PUNTUABLE - Calculando a eficacia de antibióticos
Introdución da tarefa:
O Efecto dos Antibióticos nas Poboacións Bacterianas
Os antibióticos son medicamentos que se utilizan para tratar infeccións bacterianas. Funcionan destruíndo as bacterias ou inhibindo o seu crecemento. Cando se administra un antibiótico, este afecta a poboación bacteriana presente no organismo de varias maneiras:
- Destrución das Bacterias: Os antibióticos poden atacar as paredes celulares das bacterias, rompéndoas e provocando a súa morte. Este efecto leva a unha redución inmediata na cantidade de bacterias.
- Inhibición do Crecemento: Algúns antibióticos impiden que as bacterias se reproduzan ou fabriquen proteínas esenciais para a súa supervivencia. Sen a capacidade de medrar e dividirse, a poboación bacteriana diminúe gradualmente.
A eficacia dun antibiótico adoita medirse en termos de porcentaxe de redución da poboación bacteriana. Por exemplo, se un antibiótico elimina un 30% das bacterias presentes nunha hora, a poboación bacteriana total diminuirá progresivamente co paso do tempo. Supoñamos que comezamos cunha poboación de 1000 bacterias. Despois dunha hora de tratamento cun antibiótico que elimina o 30%, quedarán 700 bacterias. Despois doutra hora, o antibiótico eliminará outro 30% das bacterias restantes, reducindo a poboación aínda máis.
Esta capacidade dos antibióticos para reducir a poboación bacteriana de maneira eficiente é crucial para tratar infeccións e evitar que se propaguen no corpo. Entender como os antibióticos afectan ás bacterias axuda a usar estes medicamentos de maneira adecuada e a combater as enfermidades infecciosas de maneira eficaz.
Contextualización da tarefa:
No laboratorio de microbioloxía estamos probando varios medicamentos para salvar o corpo humano dunha invasión bacteriana. Tes a poderosa arma dos antibióticos ao teu dispor.
Escolle a poboación de bacterias que vas investigar:
|
Nome da bacteria |
Escherichia coli |
Staphilococcus aureus |
Clostridium bolinum |
|
Poboación inicial |
5.000 |
2.500 |
3.000 |
Escolle o antibiótico en fase de probas que desexas valorar:
|
Nome do antibiótico |
BacterioBlaster |
MicroZap |
Germinator |
|
Porcentaxe de redución |
30% |
25% |
20% |
O teu obxectivo é calcular como estas bacterias son derrotadas hora tras hora grazas á eficacia do antibiótico. Poderás ver como a poboación bacteriana diminúe significativamente, demostrando o poder dos tratamentos médicos na loita contra as infeccións.
Esta é a túa oportunidade para utilizar as túas habilidades matemáticas para visualizar a batalla entre os antibióticos e as bacterias. ¡Prepárate para entrar no fascinante mundo da microbioloxía e ver como a ciencia e as matemáticas se combinan para salvar vidas!
Exercicio 1. Busca de información previa. (20 minutos aproximadamente)
Busca información na rede sobre a bacteria do teu estudo no laboratorio (forma, enfermidades que provoca, lugares nos que se atopa, etc) para elaborar unha pequena ficha informativa.
Recorda empregar un mínimo de 2 fontes de información que sexan veraces e con información fiable, que deben ser indicadas na tarefa.
Exercicio 2: Cálculo da redución de bacterias. (20 minutos aproximadamente)
Tendo en conta a poboación inicial de bacterias e o tipo de antibiótico que vas analizar, calcula a poboación bacteriana que queda despois de varias horas de tratamento (mínimo 10 horas de tratamento).
Exercicio 3: Gráfico da Redución de Bacterias (15 minutos aproximadamente)
A partir dos cálculos anteriores, elabora unha táboa con datos do tempo en horas e da poboación de bacterias presente.
Elabora a gráfica e marca os puntos para cada hora. Conecta os puntos para amosar a redución das bacterias ao longo do tempo.
Exercicio 4. Reflexión final (5 minutos)
Responde ás seguintes preguntas:
- Como te sentes ao aplicar as matemáticas á microbioloxía? Que aprendizaxes destacadas gardas desta actividade?
- Por que cres que é importante respectar os tempos nas tomas de antibióticos, despois do que sabes sobre o modo de actuación destes medicamentos?
Materiais Necesarios
- Calculadora
- Folla para realizar os cálculos matemáticos
- Gráficos en papel milimetrado
- Lapis e regla
- Acceso a internet ou enciclopedias para investigación adicional (opcional)
Avaliación da actividade
Esta tarefa será avaliada mediante unha lista de cotexo e pondera o 30% na nota correspondente a esta unidade didáctica.
Poderás ver a lista de cotexo coa que se avaliará a actividade nos arquivos anexos.
Formato de entrega da actividade
Os exercicios deberán entregarse en formato pdf, nun único arquivo.
Nesta ferramenta dixital (gratuíta, sen rexistro e en liña) poderás transformar arquivos (imaxes, documentos) a pdf e incluso unir varios documentos pdf nun só arquivo.
Cualificando Entregas
BUSCA DE INFORMACIÓN. FICHA COMPLETADA. A ficha informativa da bacteria está completa (forma, enfermidades, lugares de presenza, etc.) 0.5 |
BUSCA DE INFORMACIÓN. FONTES FIABLES DE REFERENCIA. Utilízanse como mínimo 2 fontes de información veraces e fiables. 0.5 |
BUSCA DE INFORMACIÓN. CITAR FONTES. As fontes de información están correctamente citadas. 0.5 |
BUSCA DE INFORMACIÓN. SÍNTESE. A información está ben sintetizada e presentada de forma clara. 0.5 |
RESOLVER CUESTIÓNS. CÁLCULOS. O procedemento para o cálculo da redución da poboación bacteriana é correcto para cada hora de tratamento (mínimo 10 horas). 1 |
RESOLVER CUESTIÓNS. DATOS CORRECTOS. Utilízase correctamente a porcentaxe de redución indicado no antibiótico elixido. 0.5 |
RESOLVER CUESTIÓNS. SENTIDO CRÍTICO. As reducións de bacterias son consistentes coas porcentaxes indicadas e non hai erros matemáticos evidentes. 0.5 |
RESOLVER CUESTIÓNS. PRECISIÓN NOS RESULTADOS. A poboación final despois de 10 horas de tratamento está calculada correctamente. 1 |
DATOS EN DIFERENTES FORMATOS. TÁBOAS. A táboa que amosa os datos de poboación bacteriana e tempo está correctamente elaborada. 0.5 |
DATOS EN DIFERENTES FORMATOS. GRÁFICO. O gráfico está ben feito e reflicte a evolución da poboación bacteriana ao longo do tempo. 0.5 |
DATOS EN DIFERENTES FORMATOS. ELABORACIÓN GRÁFICO. Os puntos están marcados correctamente e conectados de forma clara. 0.5 |
DATOS EN DIFERENTES FORMATOS. ESTRUTURA. O gráfico está ben titulado e está ben organizado 0.5 |
SENTIDO CRÍTICO E REFLEXIÓN. A CIENCIA. A reflexión sobre a aplicación das matemáticas á microbioloxía é completa e ben argumentada. 1 |
SENTIDO CRÍTICO E REFLEXIÓN. USO CORRECTO DE ANTIBIÓTICOS. A resposta á importancia de respectar os tempos na toma de antibióticos é clara e fundamentada. 1 |
PROCEDEMENTOS CIENTÍFICOS. ORGANIZACIÓN E TEMPOS. A actividade foi realizada de maneira ordenada e dentro do tempo estipulado. 0.5 |
PROCEDEMENTOS CIENTÍFICOS. ESTRUTURA. A presentación do traballo é coidada e a información está ben estruturada. 0.5 |