Deseño dunha SA en cREAgal

Como vimos anteriormente, o deseño dunha situación de aprendizaxe no proxecto cREAgal debe partir do currículo educativo galego, e debe estar orientado a facilitar a adquisición das correspondentes competencias clave.

No deseño é preciso ter presentes tanto os elementos curriculares que se van a traballar, como o enfoque DUA e de accesibilidade que se vai a aplicar no desenvolvemento da situación de aprendizaxe. A creatividade é un ingrediente esencial para garantir que o reto seleccionado sexa atractivo e contextualizado á realidade do alumando.

Unha boa práctica de deseño dunha SA para o proxecto cREAgal sería:

	O primeiro paso é analizar a programación modelo de Proens, que será o referente para a elaboración dos REA, e concretar as unidades didácticas que se traballarán en cada SA.
	A motivación e o estímulo da imaxinación son elementos básicos nun enfoque competencial, polo que se debe deseñar unha SA con conexión co mundo real do alumnado e que poida adaptarse ao contexto da aula e do centro educativo no que se empregue.
	O enfoque de traballo xeral na SA é de traballo en grupo con metodoloxías cooperativas e colaborativas, pero tamén haberá espazo para deseñar actividades individuais interactivas ou desconectadas.
	Ao finalizar a SA, débese orixinar un produto final, froito do traballo colectivo, do que o alumnado sinta orgullo, que mellorou a súas competencias clave e traballou os contidos da materia. O alumnado debe ter claros previamente os instrumentos e criterios de avaliación do proceso e produto final.

Fases da situación de aprendizaxe no proxecto cREAgal

As situacións de aprendizaxe do proxecto cREAgal teñen unha estrutura que consta de 5 fases. As principáis características de cada unha delas indícanse a continuación.

Características das fases da situación de aprendizaxe

1. Descrición da situación de aprendizaxe

Imaxe de fondo da fase 1 en cREAgal. Representa á persoa escaladora acadando un dos cumios das montañas.

Nesta fase proporase o reto a superar a través dun traballo colaborativo e cooperativo do alumnado. É un paso crucial desta fase, xa que a motivación do alumnado dependerá en gran medida da implicación que consigamos nesta primeira fase.
Describirase as partes do reto que o alumando deberá ir resolvendo.
Incluirá as metas (obxectivos) a acadar no reto.
Terá unha entrada cos primeiros pasos no diario de aprendizaxe: fase 1 .

2. Exploración de coñecementos previos

Imaxe de fondo da fase 2 en cREAgal. Representa á persoa escaladora acadando un dos cumios das montañas.

Nesta fase deseñaranse actividades que promovan a iniciativa do alumnado e conecten cos seus coñecementos previos.
Incluirá actividades:
- Algunha actividade grupal: actividades colaborativas que permitan activar os coñecementos previos (académicos e vivencias).
- Individuais multinivel: actividade individual con diferentes niveis de dificultade (mínimo tres) e, polo menos, unha delas interactiva.
Terá unha entrada, como mínimo, no diario de aprendizaxe: fase 2.

3. Conexión

Imaxe de fondo da fase 3 en cREAgal. Representa á persoa escaladora acadando un dos cumios das montañas.

Nesta fase conectarase o explorado coa necesidade de aprender algo novo que será útil para o reto final.
Traballaranse os contidos, ferramentas e procedementos precisos para resolver de maneira efectiva o reto proposto.
Ofreceranse estratexias de organización e desenvolvemento para acadar o reto proposto.
Incluirá actividades:
- Algunha actividade grupal: actividades colaborativas que permitan reforzar a coñexión entre os coñecementos previos e as novas aprendizaxes.
- Individuais multinivel: actividade individual con diferentes niveis de dificultade (mínimo tres) e, polo menos, unha delas interactiva.
Terá unha ou mais entradas no diario de aprendizaxe: fase 3.

4. Reto final

Imaxe de fondo da fase 4 en cREAgal. Representa á persoa escaladora acadando un dos cumios das montañas.

Nesta fase obterase o produto final do reto, en diferentes niveis de complexidade (enfoque multinivel), mediante un traballo grupal colaborativo.
Os grupos de alumnado revisarán e rematarán os retos finais de cara a presentalos, publicalos ou expoñelos na seguinte fase.
Disporán dun instrumento claro de revisión e avaliación grupal do reto final (lista de cotexo, rúbrica...).
Terá unha ou mais entradas no diario de aprendizaxe: fase 4.

5. Conclusión

Imaxe de fondo da fase 5 en cREAgal. Representa á persoa escaladora acadando un dos cumios das montañas.

Terá un elemento visual ou audiovisual a modo de resumo do traballado ao longo do recurso.
Os grupos de alumnado presentarán, publicarán ou exporán os produtos finais, no formato decidido previamente.
Coavaliación dos proxectos do alumnado cunha actividade final de posta en común.
Autorreflexión do alumnado sobre a súa propia aprendizaxe.
Terá unha entrada, como mínimo, no diario de aprendizaxe: fase 5.