O CIFP Valentín Paz Andrade atópase na periferia da cidade de Vigo: Estrada vella de Madrid, 160 (Meixueiro). Nunha área preto de importantes vías de comunicación (A52 Autovía das Rías Baixas, A55 Autovía Vigo – Fronteira Portuguesa en Tui, AP9 Autoestrada A Coruña – Tui , AG57 Atoestrada a Baiona, VG20 Autovía de circunvalación de Vigo,…); próximo tamén ao aeroporto de Vigo. A zona conta cunha grande presenza industrial: polígonos do Concello de Vigo e concellos limítrofes: Mos, Porriño, Nigrán...
O CIFP Valentín Paz Andrade é un centro público con 60 anos de historia, creado orixinalmente para responder ao crecemento industrial no sur de Galicia. Actualmente, segue sendo un referente na formación de profesionais para o sector secundario, fortalecendo de maneira continua a súa colaboración coas empresas e adaptando a súa oferta educativa ás cambiantes necesidades produtivas e sociais. O centro mantén o seu compromiso de afrontar o reto de integrar a transición tecnolóxica e ecolóxica e a innovación metodolóxica na educación.
