Saúdos a todas e todos:
O luns 4 de outubro comeza este curso en formato ONLINE que se prolongará ata o 5 de novembro, que será o último día de entrega de tarefas.
Os contidos están distribuídos en diferentes bloques e organizados baixo diferentes etiquetas:
Baixo a etiqueta "Informarse e aprender" atoparedes todos os materiais do curso dispoñibles para consulta.Cada un dos bloques de contidos ten un "foro de dúbidas" a través do cal podedes comunicarvos coas relatoras.
Nos apartados "Mostra o que aprendiches" atoparedes unha serie de tarefas propostas que debedes entregar antes da finalización do curso para poder certificar o mesmo.
Ademais están programadas 4 videoconferencias, de carácter complementario, para que poidades resolver dúbidas en directo.
Para calquera dúbida poñédevos en contacto comigo a través do correo electrónico.
Saúdos e moito ánimo.