5.-GUÍAS DIDÁCTICAS

Folla de traballo

Favorecer a funcionalidade da aprendizaxe, tanto no relativo a aplicación das novas tecnoloxías na vida como na adquisición de estruturas que sirvan para afrontar os requerimentos dunha sociedade cada vez máis tecnolóxica.
Fomentar no alumnado unha actitude de curiosidade, crítica e investigadora, aproveitando a placa Circuit Playground Express, coa intención de que se converta na base da súa formación.
Espertar e manter a motivación do alumnado coa aprendizaxe sen estereotipos de xénero. Neste curso o grupo de 1º de Tecnoloxía Industrial 1 é de cinco alumnos e o grupo de 2º de Tecnoloxía Industrial 2 ten seis alumnos e unha alumna.

Pasos	Obxectivo principal	Temporalización

Antes de comezar	Estudo da placa Circuit Playground Express.	1 sesión (50')
Rompendo o xeo	Realización de prácticas sinxelas para dar os primeiros pasos en programación.	1 sesión (50')
Misión 1: Programar	Programación da secuencia de luces, sons e movementos do xiro do servo motor para o funcionamento da porta do garaxe.	2 sesións (100')
Misión 2: Deseño	Deseño do garaxe: medidas, materiais e ferramentas a empregar.	1 sesión (50')
Misión 3: Construción-I	Construción do garaxe deseñado no Taller de Tecnoloxía.	1 sesión (50')
Misión 4: Construción-II	Incorporación do mecanismo de apertura da porta co servo motor.	1 sesión (50')
Reto final: Verificación	Verificación e/ou mellora de posibles erros.	1 sesión (50')
Para rematar...	Elaboración da memoria final do proxecto.	1 sesión (50')

BLOQUE 1. Produtos tecnolóxicos: de deseño, produción e comercialización

TI1B.1.1: Deseña unha proposta dun novo produto tomando como base unha idea dada, explicando o obxectivo de cada etapa significativa necesaria para lanzar o produto ao mercado.

BLOQUE 2. Máquinas e sistemas

TI1B2.2.2: Calcula os parámetros básicos de funcionamento dun sistema mecánico e dun circuito eléctrico-electrónico, pneumático ou hidráulico, a partir dun esquema dado.
TI1B2.3.1: Verifica a evolución dos sinais en circuitos electrónicos, pneumáticos ou hidráulicos, debuxando as súas formas e os valores nos puntos característicos.
TI1B2.3.2: Interpreta e valora os resultados obtidos de circuitos eléctrico-electrónicos, pneumáticos ou hidráulicos.
TI1B2.4.1: Deseña, constrúe e programa un sistema automático ou robot cos actuadores e os sensores axeitados, para que o seu funcionamento solucione un problema determinado

BLOQUE 3. Materiais e procedementos de fabricación

TI1B3.2.1: Describe, apoiándose na información obtida en internet, materiais imprescindibles para a obtención de produtos tecnolóxicos relacionados coas tecnoloxías da información e da comunicación.
TI1B3.3.2: Identifica as máquinas e as ferramentas utilizadas no proceso de fabricación dun produto dado.
TI1B3.3.3: Describe as principais condicións de seguridade que se deben aplicar nun determinado ámbito de producción, desde o punto de vista tanto do espazo como da seguridade persoal.