No mes de Setembro de 2011 un grupo numeroso de profesores da familia de electricidade e electrónica, reunidos no CIFP Politécnico de Santiago, decidimos constituír unha Asociación profesional cuns fins, según rezan os estatutos aprobados nesa reunión son:

a. Promover a extensión do coñecemento da electricidade e electrónica no eido educativo.

b. Relacionar o eido educativo co industrial no campo da electricidade e electrónica.

c. Establecer canles de comunicación entre os asociados para compartir problemáticas, experiencias, documentación, etc., sobre a actividade docente.

d. Propoñer ou organizar actividades relacionadas coa electricidade e/ou electrónica, tales coma cursos, congresos, seminarios, encontros, etc.

e. Difundir e publicar es soporte impreso ou dixital contidos relacionados coa familia de electricidade e electrónica ou coa propia asociación.

f. Actuar como interlocutor dos asociados antes as distintas administración.

É decir, unha asociación cuxa finalidade e a da posta en común todo aquilo que poida servir para mellorar a nosa profesión e a actividade diaria nas aulas

Durante este tempo estivemos desenvolvendo a actividade, centrándonos fundamentalmente en dous aspectos:

- Colaboración na celebración das xornadas anuais de electricidade- electrónica (vamos póla 6ª edición). Foro que conta cunha gran aceptación entre o profesorado da familia como punto de encontro e para compartir experiencias didácticas e/ou profesionais, así como para que as empresas do sector mostren as súas novidades. Entendemos que estas xornadas constitúen unha peza moi importante na renovación didáctica e profesional.

- Información actualizada aos asociados coas novidades lexislativas, profesionais... e de todo tipo que afectan o profesorado da familia no seu traballo diario.