L1802007: Impresoras 3D e Biblioteca

Ola a tod@s!

O meu comentario sobre o uso da impresora na Biblioteca está relacionado co plan LÍA de Bibliotecas escolares, que estamos a desenvolver no noso centro. Este proxecto supón a transformación da biblioteca convencional nun espazo multidisciplinar dentro do cal destaca o espazo "maker", un área pensada para desenvolver a creatividade dos alumnos/as. Dentro do mesmo incorporamos a impresora 3D, esto vai permitir que o profesorado de distintas áreas poida utilizar este recurso educativo para a realización de proxectos de área ou interdisciplinares, donde o uso da impresora permitirá desenvolver e potenciar a creatividade do alumnado.

En canto ao uso nas STEM sería interesante para facer estructuras tridimensionais de células, moléculas, táboa periódica tridimensional, pezas para experimentos de física, etc.

Un saúdo.

Re: Impresoras 3D e Biblioteca

por Rosa Berea Montero - luns, 26 de novembro de 2018, 12:30 PM

Ola Carmen,

Creo que a creación dun espazo "maker" nas bibliotecas pode converterse nunha ferramenta moi útil para que o profesorado comece a utilizar a impresora 3D, a explorar as súas posibilidades a nivel educativo e a familiarizarse coa ferramenta. Por outra banda a realización de proxectos interdisciplinares pode ser moi enriquecedora xa que se implicarían os diferentes departamentos, poderían participar membros de diferentes niveis educativos, traballaríase de maneira colaborativa e incluso poderían realizarse colaboracións intercentros. Mediante a participación neste tipo de proxectos, favorécese o pensamento crítico, a resolución de problemas e se fomenta a creatividade. Apréndese facendo, con todas a vantaxes que conleva.

Por outra banda, é previsible que a impresión 3D sexa unha tecnoloxía coa que vamos a vivir de maneria cotiá nun futuro non moi lonxano, por iso é necesario achegar esta tecnoloxía de xeito natural e desde a escola ao alumnado.