Boas tardes a tod@s!!
A miña opinión é que o emprego da impresión 3D é moi útil para fomentar a innovación educativa no ámbito STEM.
Dende o punto de vista educativo, para a materia de Tecnoloxía en concreto, a impresión 3D é unha parte moi vistosa e motivadora para traballar co alumnado na ESO, e que chama a súa atención xa que fomenta a curiosidade e potencia o seu interese pola materia.
Tamén é interesante traballar con impresión 3D porque é un xeito máis de achegar ao alumnado ás innovacións e ós avances científico-tecnolóxicos da nosa sociedade e que ás veces se ven tan lonxe de nós e tan inaccesibles.
Polo tanto considero a impresión 3D como un complemento perfecto, imprescindible e ao noso alcance, á hora de traballar co alumnado da ESO e complementar así os temas relacionados de robótica educativa e o kit de programación con Arduino.
Un saúdo,
Iván Vázquez.