Neste fío propoñemos un breve texto sobre feminismos: “Ser feminista”, de Pikara Magazine (https://www.pikaramagazine.com/2017/06/ser-feminista/)
Unha vez remates a súa lectura:
Escolle unha idea que che chamara particularmente a atención ou que consideres especialmente relevante. Comparte esta idea nos comentarios deste fío, explicando por que a escolliches e que interese ten para a túa práctica docente.
Le as respostas do resto da clase e comenta, polo menos, unha destas respostas.
Unha das ideas que máis me gusta é a de que o feminismo xa non é só acadar a igualdade entre homes e mulleres, senón que é un movemento que vai máis aló. É a defensa da igualdade entre todas as persoas, sexamos como sexamos.
Trátase de un movemente que pretende rexeitar calquer tipo de relación de dominación.
Páreceme moi importante camiñar nese sentido, porque creo que hoxe en día estámonos "deshumanizando" como sociedade: rexeitamento ós migranates, cerre de fronteiras, ataques homófobos, aumento da violencia sexual e de xénero, etc... A isto habería que engadirlle o rexurdir de partidos de extrema dereita, que cos seus falsos discursos, axudan a esta "deshumanización".
Así como dí no texto,é importante establecer movementos con funcionamento democrático, inclusivos, dialogantes e menos xerárquicos.
Creo que é importante como docentes traballar esta idea no ámbito educativo, porque así como a nosa sociedade é moi diversa, a nosa escola como reflexo de esa sociedade, é igual de diversa. Como docentes creo que temos a obligación de que todas esas diversidades non só sexan respectadas, senón tidas en conta e visibilizadas.Este é un dos pasos a dar para poder traballar en igualdade.
Considero que tés moita razón, engadiría a idea de que tamén é un movimento que pretende acabar co vixente estado patriarcal tan importante para manter o sistema capitalista basado na dominación de unhas clases sociais sobre outras.
Gústame a idea de que nós como docentes temos o deber de traballar co alumnado todas estas ideas, pois eles e elas son a sociedade do futuro e encargaranse de mudar esta orde de cousas
Me gusta moito a idea que aportas de que a escola é o reflexo da sociedade na que vivimos, con toda a súa diversidade. Para mín este pode ser o punto de partida para traballar co noso alumnado o concepto de feminismo, xa que si observan a diversidade que existe na aula e a comprenden e a aceptan se poderá comezar a traballar con eles realidades que nun primeiro momento lles poden resultar máis alleas, como o propio feminismo.
Unha das ideas que máis me gusta e me parece máis realista é que o feminismo busca a igualdade en todas as persoas e en todos os aspectos, tal e como cita a compañeira Mercedes e como se di no texto. Estou totalmente de acordo en que así sexa, porque na actualidade no momento no que se escoita a palabra "feminismo", está moi extendida unha idea de muller dominante ou que quere chamar a atención, cando en realidade o único que se pretende é que se considere a muller en condicións iguais ás do home. Seguramente sexan os medios de comunicación os responsables de transmitir esa idea de xeito indirecto (a típica imaxe que se pon na televisión cando aparece a palabra feminismo é a de unha muller espida reivindicando algunha acción, cando nada diso ten que ver coa idea que se pretendía transmitir).
Creo que non estaría demais recordar a definición de feminismo: doutrina de defende a igualdade de dereitos entre o home e a muller. Isto é o que se debería de transmitir á sociedade, algo tan simple como que non se resten posibilidades ás mulleres polo feito de selo e non que se venda que as feministas son "as que se quitan a roupa".
Estaría moi ben que aqueles que presumen de algo tan simple como que nun momento da historia se aprobou que a muller tivera dereito ao voto, tamén consideren que é igual de normal que na actualidade unha muller poida acceder ao mercado laboral polas súa formación e desempeñe o traballo de "executiva" (e non executivo), presidenta (e non presidente) e o faga tan ben como aqueles que están a ocupar ese posto de traballo, que de xeito xeral, son homes. O problema, dende o meu punto de vista, é que eses postos estarán ocupados por homes polo feito de que tamén teñen o soldo máis elevado, logo non interesa cambiar os papeis e promover a igualdade en todos os aspectos.
Creo que o importante é educar en igualdade para que todas e todos teñan a oportunidade de vivir nunha sociedade onde naide sexa dominado nin dominante, e para iso hai que aplicalo dende a escola, tanto na doctrina como na práctica. De nada serve que na escola se eduque en igualdade, se na casa as "rapazas" son as que teñen que limpar e facer a comida, e os homes non se molestan en axudar. Igualdade é para todos en todas as ocasións.
Entonces, a min xúrdeme unha dúbida: o problema é o feminismo, ou o problema son os que non o aplican polos seus propios intereses?
Por último, facer fincapé nunha reflexión. Considero que está de moda a palabra "feminismo", pero o significado da mesma está a anos luz de poder poñerse en práctica.
Moi de acordo coa túa reflexión sobre o trato que dan os medios de comunicación ás imaxes cando falan de feminismo. A verdade é que creo que nos queda moito por aprender e por facer co tratamento das imaxes.
En canto a túa pregunta se o problema é o feminismo ou os que non o queren aplicar? por suposto que o problema son os que non o queren aplicar, o feminismo ou calquer tipo de movemento social no que pretenda acadar unha igualdade ou unha sociedade máis xusta e equitativa, nunca serán un problema.
E tes razón en pensar que os que non o promoven sempre é polo seu propio interese, xa que o sistema patrialcal, tan unido o sisitema capitalista, é moi poderoso e ten moitos interese nesta sociedade.
Moi de acordo contigo na unión do sistema patriarcal co sistema capitalista. Non se debe pasar por alto que calquera cambio social sempre asusta os que están situados en posición de poder, sobretodo si ese poder ven de manter nunha posición susidiaria a outros.
Moitas ideas resultaronme moi interesantes, mais saliento as seguintes:É moi destable a idea de que o femenismo non é o oposto ao machismo, isto contradí o que na actualidade se está potenciando desde moitos sectores do sistema político xeralmente relacionados cos partidos da dereita mais reacionaria que o queren é que non muden as cousas ,poñendo atrancos ao emponderamento da muller.
Gústame tamén a idea de que é un movemento que o que pretende é desestabilizar o sistema capitalista que é o máximo garante do patriarcado e que ata a actualidade mantivo vixente a supremacía do masculino fronte ao femenino e tamén seguir establecendo diferenzas naturais entre as persoas que subxacen na idea de que a muller non está capacitada de igual forma que o está o home.Por iso é moi importante aproveitar esta ideoloxía feminista para rematar con calquer tipo de relación de dominación.
Resaltar que é un movimento que basándose no diálogo pretende unha sociedade mais xusta, inclusiva e en definitiva moito máis democática.
Quédome cos valores de igualdade para todos e o diálogo como a chave do cambio.
Unha frase de todo este texto fíxome pensar como muller e foi" as mulleres chegan a ser mulleres pola socialización de xénero", toda unha verdade pero ó mesmo tempo que tristeza, porque unha muller como individuo unipersonal ten a necesidade de desenrolar todo o seu potencial en todas as esferas da vida, e é necesario para iso romper todas as relacións de dominación patriarcal.
É necesario cos rapaces vexan á realidade tal como é, as oportunidades deben darse por individuos non asociadas á socialización dos mesmos por modas, épocas, culturas e demais.
Teñen que aprender a respetar as liberdades como algo natural do individuo indistintamente de sexo, cultura, etc...
É necesario que reflexionen se en vez do patriarcado tivésemos un matriarcado, como se sentirían...….
A idea que máis me chamou a atención neste artigo é a proposta da búsqueda dun sistema alternativo partindo dunha posición feminista. É dicir ampliar a loita feminista non buscando xa, tan só, a igualdade entre homes e mulleres senón tamén rexeitar as relacións de dominación duns grupos sobre outros, relacións que se entenden como naturais cando en realidade non deixan de ser construccións socioeconómicas.
Por outra banda me parece moi acertado recalcar que o feminismo se basa no DIÁLOGO. Creo que unha das críticas que máis se achaca ao feminismo é que se fale de loita, concepto que se entende (ou se quere entender) como un exercicio de violencia, ou de rexeitamento radical de cara a todo aquel que non se posiciona como feminista, fronte a estos pensamentos o diálogo é a mellor ferramenta para sementar novas ideas.
Para rematar dicir que a idea de que o feminismo serve para a búsqueda de maior democracia, maior representatividade e maior inclusión me parece unha das mellores definicións do que significa ser feminista.
Coincido contigo no acertado da definición e na importancia do diálogo coma ferramenta indispensable para unirnos, achegar posturas de entendemento e igualdade realista, e non para empregalo coma ferramenta de confrontación que non conseguirán nada máis que enquistar posturas que alonxen o entendemento que, na busca do respecto pola liberdade e a igualdade, todos ao final buscamos.
Vou a coincidir coa grande parte das opinións xa vertidas afirmando que coas ideas principais coas que me quedo ao respecto do que verdadeiramente significa o feminismo realísta (como o denomina o texto) son: por un lado co enfoque holístico da igualdade que ofrece, desligándose e loitando contra as xerarquías de calquera tipo, e abrindo o abano a unha igualdade moito máis plural, realista e inclusiva coa que convivimos na actualidade; e por outro lado coa necesidade do diálogo para acadar esa reforma social que se precisa para o profundo cambio que grande parte da sociedade está a reclamar, en contra do renacemento das ideas retrógradas que buscan perpetuar a brecha de xénero.
Este derradeiro punto, o do diálogo e a súa relación coa busca moito máis inclusiva da igualdade segue a ser para min un motivo de conflito persoal, que esta perspectiva clarifica de cheo. Conflito no sentido do papel no que a os homes que cremos neste modelo de igualdade nos sitúa esta necesaria loita ás veces, a o marxe das protestas e coma un inimigo natural por condición. A miña experiencia laboral situoume fai un tempo nun centro cunha ideoloxía marcadamente feminina e cun claustro maioritariamente formado por mulleres, na que os tres homes que ali dabamos clase nos atopabamos en moitas ocasións apartados do debate ou situados ao marxe das actividades na que se trataba o tema da igualdade, sen ter en conta o papel que nós temos, no que a un cambio persoal e de conciencia patriarcal se refire, pero tamén no papel que podemos xogar os que queremos unha sociedade feminista coma educadores para ese cambio. Un diálogo que permita compartir e sumar experiencias para entenderse mellor non excluiría do problema a unha das partes, senón que a acollería e incluiría no cambio. Por iso creo que nese diálogo de todos radica a forza do feminismo realista que todxs queremos.