A Galicia industrial

Podemos escribir a historia de Galicia a través das súas vellas fábricas, dos muíños de auga e de vento, dos salgadoiros, das antigas ferreirías, etc. Todo ese patrimonio ten un valor incalculable e por toda a xeografía do país aínda dispoñemos de exemplos diversos.

Por suposto teriamos que continuar a historia coa industria do noso tempo, co importante sector téxtil e automobilístico. A Galicia de hoxe en día é completamente diferente a aquela deses vestixios. A transformación da sociedade e da economía foi moi acelerada nos últimos 25 anos.