Álbums

O xoves 28 reunímonos no audiotorio municipal para celebrar o Día da Familia cun Festival. 

Os presentadores do evento foron os alumnos e alumnas de 6º de Educación Primaria, que fixeron un traballo magnífico.

Na primeira actuación, os nenos e nenas de infantil cantaron e bailaron tres cancións: "O Rock da Primavera", "I Can Count", e "Golden".

A continuación, o alumnado de primeiro cantou a capela "Tongo" (canción tradicional polinesia), "Cs Cacharros", e "I Like the Flowers".

O alumnado de segundo e terceiro actuaron de forma conxunta, bailando "Vai de Roda en Roda" e "Tris-Tras".

Tras o baile, o alumnado de cuarto sorprendeunos coa obra teatral "O Xigante Don Gandulfo".

A seguir, os nenas e nenos de quinto puxéronnos a todos a bailar o "Limbo".

A derradeira actuación correspondeu a sexto, cunha actuación de percusión corporal ao ritmo the "The Final Countdown". 

Tras unhas palabras da directora, Lupe, e do recoñecemento a directiva da ANPA, disfrutamos dunha merendola organizada pola ANPA e o noso equipo de cociña.

Clicando na seguinte imaxes, podedes ver algunhas imaxes do evento.

Ao longo desta semana, estamos celebrando o Día de Rosalía de Castro.

Nas aulas fanse distintas actividades relacionadas coa autora, a súa vida e a súa obra.

Na radio, o alumnado le varios dos seus poemas.

Por último, no primeiro andar atópase un mural interativo, onde as distintas clases resolven unha variedade de actividades sobre a nosa poetisa.