Práctica 5. Engade unha tarefa con rúbrica no tema 2 do curso

Nesta tarefa traballeremos as seguintes funcionalidades da aula virtual:

1. Coñecer os distintos tipos de actividades que ofrece Moodle.
2. Experimentar a creación de tarefas e a súa avaliación con rúbricas.

 Pasos para realizar a tarefa:

1. Accede ao teu curso.
2. Activa o modo edición.
3. No tema 2 do teu curso, pulsa na ligazón Engadir unha actividade ou un recurso e engade unha Tarefa coas seguintes características:
4. - Nome da tarefa: Tarefa 1.
   - Descrición: neste apartado debes escribir o texto co enunciado da tarefa. Aquí debes explicar en que consiste a tarefa e como queres que a realice o alumnado. En concreto, nesta tarefa debes pedirlles que fagan un traballo relacionado co tema 2 do teu curso e que entreguen este traballo nun ficheiro con formato PDF.
   - Dispoñibilidade: este apartado debes desmarcar tódalas celas de activar.
   - Tipos de entrega: entregas de ficheiros.
   - Cualificación: en puntuación máxima debes indicar 10 (en lugar de 100) e en Método de cualificación debes seleccionar Rúbrica.
   Todos os demais campos deberás deixalos cos valores por defecto.
5. Pulsa o botón Gardar e volver ao curso.
6. Crea unha rúbrica para avaliar esta tarefa, seguindo os pasos do apartado 4.9 A rúbrica como método de avaliación das tarefas deste curso.
   Usa a rúbrica de exemplo dese mesmo apartado.