Actividades de morfoloxía e fisioloxía vexetal
1. A actividade anterior de clave dicotómica servirá tamén como actividade de repaso da morfoloxía debido a que para poder utilizar de forma correcta a clave dicotómica é preciso coñecer a morfoloxía básica dos vexetais.
2. En parellas. Marcar que tipo de estruturas podes observar nunha determinada planta:
a. frondes
b. flores monoicas
c. flores dioicas
d. estomas
e. soros
f. pecíolo
g. follas enteiras
h. follas divididas en folíolos
Para realizar esta actividade se deberá sacar unha fotografía co móbil e utilizando a aplicación Phonto se identifique as estruturas que atopen. Se deberá compartir esa información co profesor e o resto da clase.
3. En parellas. Dicir se un vexetal proposto polo profesor é un musgo, un fento, unha anxiosperma ou unha ximnosperma. Razoar a resposta mediante unha foto que saque co seu dispositivo móbil onde se vexa claramente a/as estrutura/s que o levaron a tomar esa decisión. Compartir esa información co profesor e o resto da clase vía Twitter.
4. En parellas. Fotografar as seguintes estruturas co seu dispositivo móbil e compartilas co profesor e o resto da clase. Aplicación utilizada Phonto.
a. Face e envés dunha folla
b. Raíz
c. Copa piramidal
d. Amento
e. Acícula
f. Lique
g. Esporófito
5. Individual, na aula. Utilizando a aplicación Kahoot os alumnos deberán contestar nos seus dispositivos móbiles unha serie de preguntas de morfoloxía e fisioloxía vexetal que se mostrarán no encerado dixital. Con esta aplicación levarase un reconto do número de acertantes de cada cuestión e a súa rapidez respondendo. Proponse:
a. Relacionar as seguintes características co tipo de planta ao que pertencen: musgos, fentos, anxiospermas e ximnospermas.
i. Non posúen raíz nin talo nin follas.
ii. As sementes están espidas.
iii. Posúen follas de gran tamaño chamadas frondes.
iv. As sementes están protexidas polo froito.
v. Absorben auga por toda a superficie do corpo
vi. Os cono femininos chámanse piñas.
b. Contesta ás preguntas
i. As plantas para respirar e levar a cabo a fotosíntese precisan intercambiar gases co exterior. A través de que estruturas o fan?.
1. estomas
2. follas
3. cloroplastos
4. talos
ii. En que parte da flor se atopan os pétalos?.
1. pedúnculo
2. corola
3. cáliz
4. carpelos
iii. Unha das partes do musgo é o caulidio, a que corresponde?.
1. raíz
2. flor
3. follas
4. talo
iv. Que parte da planta é a encargada da absorción da auga para o seu crecemento?.
1. raíz
2. flor
3. follas
4. talo
v. Cal das seguintes características do reino das plantas non é correcta?.
1. Posúen células eucariotas
2. Son heterótrofas
3. Son pluricelulares
4. Realizan a fotosíntese
vi. Que gas precisan as plantas para realizar a respiración?.
1. Dióxido de carbono
2. Osíxeno
3. Nitróxeno
4. Vapor de auga
c. De que especie de árbore cres que é esta folla?
Camellia japonica, cv Anemoniflora, Olaf Leillinger en Wikipedia CC BY-SA 2.5.
i. Ombú.
ii. Camelia.
iii. Ciprés.
iv. Carballo.
d. De que especie de árbore cres que é este froito?
Ficus carica0, Kurt Stueber en Wikipedia CC BY-SA 3.0.
i. Maceira.
ii. Acacia.
iii. Oliveira.
iv. Figueira.