Contactos e grupos de usuarios


Esta sección permitiranos xestionar a información dos nosos contactos e crear grupos de usuarios (Equipos). 

Para acceder a ela, deberemos premer na icona correspondente da barra superior:


Contactos


A pantalla principal permitiranos:

  • Importar contactos desde outra aplicación en formato VCF ou VCARD.
  • Engadir contactos manualmente (+ Novo contacto).
  • Crear grupos de contactos cos contactos dispoñibles.
  • Crear e xestionar grupos de usuarios (Equipos).


contactos_principal


Cando prememos en "+ Novo contacto", aparece un cadro de diálogo que nos permite engadir varios detalles para ese contacto:


Editar contacto


Na parte superior dereita deste cadro, no menú dos tres puntos, teremos opcións para descargar, xerar un código QR ou eliminar o contacto. Premendo o botón "Gardar" gardaremos a información do contacto.


Creación de grupos de usuarios (Equipos)


Importante

Observacións a ter en conta á hora de compartir información en BoxAbalar.

A plataforma BoxAbalar permite, en teoría, compartir información con todo o profesorado galego, pero isto non quere dicir que teñamos dereito a facelo en todos os casos.

Cando compartamos recursos cun grupo de usuarios, deberemos asegurarnos de que temos dereito a compartilos con todos os membro do grupo. En caso contrario, deberemos editar o grupo para eliminar usuarios antes de compartir.

Para crear un grupo de usuarios, premeremos no signo + á dereita de "Equipos":


Crear equipo


No cadro que aparece darémoslle un nome ao grupo e prememos "Crear equipo" para gardalo.

Agora poderemos ver o novo grupo creado na marxe esquerda e veremos o número de usuarios que contén á dereita do seu nome. Tamén poderemos editar o nome e descrición do grupo usando o botón "Editar" á dereita.


xestionar grupo 1 


Tamén na parte dereita, atoparemos o botón "Engadir" que poderemos usar para engadir usuarios ao grupo que acabamos de crear usando a caixa de busca para atopar o usuario ou usuarios desexados. Entón, na parte inferior, premeremos nos nomes dos usuarios que queremos engadir ao grupo e logo en "Engadir" na parte inferior.


engadir usuario


Unha vez engadidos os usuarios ao grupo, poderemos consultar a lista de usuarios usando a barra de desprazamento da parte inferior da lista:


listar usuarios 


Veremos que cada usuario dispón dun menú de tres puntos á dereita do seu nome que nos permitirá, entre outras cousas, eliminalo do grupo usando a opción "Retirar membro":

xestionar usuarios

Cando seleccionamos un grupo na lista de grupos da parte esquerda veremos que dispoñemos dun menú de xestión do grupo con varias opcións. Entre elas está a de eliminar o grupo premendo o botón "Eliminar o equipo":


xestionar grupo 2